Evangeliumo kathar o Mark

Capítulos:

… 10 11 12 13 14 …   ⇤ ← 12 → ⇥

verso 1

Pala kado ande paraboli las duma te del lende: „Jekh manush drakh beshadas, gradyija kerdas krujal, xiv hunadas, haj kalsamos vazdas. Pala kodo avri das kodo le arendashenge, voj pale pe strene phuva dromardastar.

verso 2

Kana avilastar e vrama, bishaldas jekhe slugas kaj le arendasha, te anel lendar anda drakhengo upaja.

verso 3

Kodal xutyildine le slugas, mardine les, haj shushe vastesa nashadine les.

verso 4

Pe kado kaver sluga bishaldas lende: kadaleske inke vi lesko shero andre phagline, haj marhisardine les.

verso 5

Ba pale kaveres bishaldas, ba vi kodales mudardine, haj pala kodo inke vi kaveren.

verso 6

Sasles jekh chachikanes skunpo shavo, palunes kodales bishaldas lende. Ke kodo gindisardas: »Mure shaves ande patyivate inkrena.«

verso 7

Ba le arendasha kade denas duma mashkar pende: »Kathej o arando! Aven, mudaras les, haj amaro avla o arandimope!«

verso 8

Xutyildine les, mudardine les, haj perdal shudine les pa drakhenge gradyija.

verso 9

So kerla apol akanak le drakhengo raj? Avela, mudarla le arenda-shen, le drakhen pale kaverenge dela.

verso 10

Bake chi ginade o iskiripe:
»O barr, saves le barrara shudine,
kolcosko barr kerdyilas;

verso 11

o Raj kerdas les kodaleske,
haj kado chudimataj
ande amare jakha«?”

verso 12

Atunchi kamline te xutyilen les, ba daranas kathar le butimata. Hatyardine kodo, ke pa lende vorbisardas kadal paraboli. Kothe mukhline les apol, haj gelinetar.

verso 13

Majpalal kothe bishaldine leste mashkar le farizanongire haj Herodesheske manushen unyizhenen, te xutyilen les ande leske vorbi.

verso 14

Kothe aviline, kodo phendine leske: „Maistro! Zhanas, ke chachipe phenes sagda, haj chi dikhes le manushengo trupo, ba le Devlesko drom kathar o chachipe sityares. Slobodo si taksha te potyinas le chasaroske, bake na? Potyinas bake tena potyinas?”

verso 15

Ba voj pinzharlas lengo paxandipe, anda kado kodo phendas lenge: „Sostar zumaven man? Anen mange jekhe denaros, mukh dikhavles!”

verso 16

Kodal andine jekhes. Atunchi pushlas len. „Kaskij kadi mosura haj o opreiskiripe?” Kodo phendine leske: „Le chasareskoj.”

verso 17

Pe kado o Jezush kodo phendas lenge: „Den apol le chasareske, so le chasareskoj, haj le Devleske, so le Devleskoj.” Haj chudinaspe pe leste.

verso 18

Atunchi kothe gele leste le sadducana, kon kodo phenen, ke naj opretrajisaripe. Pushline les:

verso 19

„Maistro! O Mozesh iskirisardas amenge, ke kana varikaske merel lesko phral haj pala peste mukela peska romnya bi shavoresko, atunchi o phral te lel kodaleska romnya, haj te kerel shaves le phraleske.

verso 20

Sas jekhar efta phral. O angluno romnya las peske pala kodo mulas, ba shavoro chi kerdas.

verso 21

Atunchi o kaver las la, ba vi kodo mulas, haj chi muklas shavores. Zhikade vi o trito.

verso 22

Las la romnya sa le efta phral, ba chi mukline shavores. Sa pala kado mulas vi e romnyi.

verso 23

Kaj o opretrajisaripe apolal, kana sa opretrajisardyona, mashkar kadal saveske avla leski romnyi? Ke eftange sas voj romnyi.”

verso 24

O Jezush kado phendas lenge: „Kade dichol anda kodo chi vobin vorta, ke chi pinzharen le iskirimata, haj chi le Devlesko saktimo!

verso 25

Ke kana le mule opretrajisardyona, chi ansurisajven, chi romeste chi zhan, ba kasave avna, sar le andyela ando rajo.

verso 26

Pa mule apolal, ke opretrajisardyona, chi ginade ande Mozesheski hertija kaj o vepresoste, ke sar phendas leske o Del, kana duma das: »Me som le Abrahamesko haj le Izhakesko Del haj le Jakobesko Del?«

verso 27

Voj na le mulengo Del si, ba le zhuvindengo. Kade apol zurales ando bizhanipe sanle.”

verso 28

Atunchi kothe gelas leste jekh iskiritori, kon ashundas lengo xape, ke dikhlas, ke mishto das leske e vorba, pushlas les: „Savo si o majangluno mashkar le vladimata?”

verso 29

O Jezush kado phendas leske: „Mashkar le vladimata o majangluno kado si: »Ashun, Izrael! Amaro Raj, amaro Del si o jekhtuno Raj!

verso 30

Kam tye Rajes, tye Devles anda tyo intrego ilo, anda tyo intrego duho, anda tyi intrego godyi haj anda tyi intrego zor! « Kado si o angluno vladipe.

verso 31

O dujto pale kadoj: »Kam tye dopashone vortakos, sar tut!«. Kathar kadal naj maj bare vladimata.”

verso 32

O iskiritori atunchi kado phendas leske: „Mishtoj, Maistro! Mishto phendan, ke jekh si o Del, haj naj kaver numa voj;

verso 33

haj les te kamas anda intrego ilo, anda intregone godyate, anda intrego duho haj anda intrego zor, le dopashune vortakos pale kade te kamas, sar amen – majbut kerel kathar sako phabardo thaj kaverfale sarkafimo.”

verso 34

Kana o Jezush dikhlas, ke sosko godyaverikanes das vorba palpale, kodo phendas leske: „Chi san dur kathar le Devlesko them.” Pala kado khonyik chi tromajlas majdur te pushel les.

verso 35

Ba o Jezush, kana ande khangeri sityardas, pushlas: „Sar shaj phenen le iskiritora, ke o Kristo le Davidesko shavoj?

verso 36

Haj ke voj o David phenel kathar o Sunto Duho phenades:
»Kade del duma o Raj kaj muro Raj:
pa muri chachi rig besh tele,
zhikaj tala tye punre shudav tye dushmanon«.

verso 37

Kana o David peske Rajeske phenel les, atunchi sar shaj avel lesko shavo?” Haj e butimata vojasa ashunelas les.

verso 38

Voj pale mashkar o sityaripe kado phendas lenge: „Ferin tumen kathar le iskiritora, saven fajle ande lunzhi pluviale te phiren, haj ande forura kana dyes den len,

verso 39

ande zhinagogi ande anglune thana te beshen, pe bare xamimata po majangluno than te beshen.

verso 40

Xan le phivlyange khera, haj avralutnes bare rudyin. Kadalen majfeder krisarna!”

verso 41

O Jezush pala kado tele beshlas ande khangeraki kodi rig kaj e avucija kidenas kethane, haj dikhelas, ke sar shuden le manusha love ando taxtaj: but barvale but love shudine andre.

verso 42

Pala kodo avilas jekh chorri phivlyi romnyi, haj andre shudas duj fillera, so jekh krecari kerel.

verso 43

Atunchi kothe akhardas peske sityarden, haj kodo phendas lenge: „Amen, phenav tumenge: kadi chorri phivlyi majbut das kathar kodal, kon but love shudine ando taxtaj.

verso 44

Ke kodal sa anda kodo dine, anda soste but sile, kadi pale anda pesko chorripe andre shudas sakofalo, so sasla, sa kodo anda soste shaj trajilpe.”

Capítulos:

1 2 3 4 5 6 7 8 9 10 11 12 13 14 15 16