Evangeliumo kathar o Mark

Capítulos:

1 2 3 4 5 6 …   ⇤ ← 2 → ⇥

verso 1

Pa unnyi dyesa pale andre gelas ando Kafarnaumo,

verso 2

haj gelastar e viaca, ke ando kher si. But zhene kethane aviline, kade aba chi kaj o vudar chi resenas, haj viacarelas lenge o alav.

verso 3

Mashkaral kothe aviline leste unyizhene, save jekhe paralizanes andine, shtar zhene vazdenas les.

verso 4

Ke chi zhanenas angla leste te ingren les kathar e butimata, avri puterdine le kheresko opralalutnipe, kaj voj sas, tele mukhline o pato, pe soste o paralizano pashjolas.

verso 5

Lengo patyape dikhles o Jezush kade das duma kaj o paralizano: „Muro shavo! Tye bezexa jertimata resline.”

verso 6

Beshenas kothe unyizhene vi mashkar le iskiritora. Kadal kodo gindinas ande pende:

verso 7

„Sar shaj vorbil kado kade? Kushel kado. Kon shaj jertisarel le bezexa kaver, sar o Del?”

verso 8

O Jezush sama las ande pesko dyi, ke kade gindinpe ande pende, anda kado kodo phendas lenge: „Sostar gindisaren kadal ande tumaro ilo?

verso 9

So si majushoro, kodo phendo le paralizaneske: »Jertimata resline tye bezexa«, bake kodo phendo: »Ushtyi opre, le tyo pato haj phir«?

verso 10

Haj apol te dikhen, ke le Manusheske Shaves saktimo siles pe luma le bezexa te jertisarel – atunchi karing o paralizano boldaspe.

verso 11

Phenav tuke, ushtyi opre, le tyo pato haj zha khere!”

verso 12

Kodo pale sigo vi opre ushtyilas, xutyildas pesko pato, haj gelastar angla sakoneske jakhenge dikhimata, kade apol savorazhene bari dikhline, haj ashtyilinas le Devles. Kado phenenas: „Kasavo inke chi diklam chikana.”

verso 13

Pala kado pale avri gelas pasha mara. Sa le butimata karing leste cirdinepe, voj pale sityarlas len.

verso 14

Sar majdur gelas, dikhlas le Leves, le Alfeuseske shaves kaj o vamo beshelas, haj duma das leste: „Av pala mande!” kodo opreushtyilas, haj gelas pala leste.

verso 15

Majpalal kana kaj e mesalya beshline ande kadalesko kher, but financura haj bezexasle beshline tele le Jezushesa haj leske sityardenca kethane; ke butzhene sas kon zhanas pala leste.

verso 16

Le iskiritora haj le farizana, kodo dikhles, ke le bezexaslenca haj le financonca xal, pushline leske sityarden: „Sostar xal tumaro Maistrovo le financonca haj le bezexaslenca?”

verso 17

O Jezush ashundas len haj kado phendas lenge: „Na le sastenge trubuj o sastyari, ba le nasvalenge, na le chachen avilom te akharav, ba le bezexaslen.”

verso 18

Le Janosheske sityarde haj le farizana postyinas. Kothe aviline unyizhene, haj pushle kathar o Jezush: „Sostar postyin le Janosheske sityarde haj le farizanenge sityarde, tyire sityarde pale chi postyin?”

verso 19

O Jezush kado phendas lenge: „So gindin shaj postyin le xanamik butimata, zhikaj lenca si inke o piramno? Zhikaj lendej o piramno, nashtig postyin.

verso 20

Avna apol kodola dyesa, kana ingerna lendar le piramnes; atunchi postyina, kodo dyes.

verso 21

Khonyik chi suvel pe dulmutane gada nyevo poxtan, ke kodo shingrel vi le lashe riga, haj o shindyipe inke majbaro avla.

verso 22

Khonyik chi shorel nyevi mol ande dulmutane morchune trasti, ke atunchi e mol avri shinel le morchune trasti, haj avri shordyol, haj vi le trasti xalyon. E nyevi mol ande nyeve morchune trasti trubuj te shoren.”

verso 23

Pecisardyilas pale, ke savatone kana pe phuva phirlas, leske sityarde linepe haj tele shingrenas le dyiva.

verso 24

Le farizana kodo phende leske: „Dikh, kodo keren savatone so naj slobodo.”

verso 25

Voj kado phendas lenge palpale: „Chikana ginade, ke o David so kerdas, kana bokhalo sas, haj vi kodal kon lesa sas?

verso 26

Sar gelas andre ande Devlesko kher ande Abjatar angrashajeski vrama, haj xalas anda avri shutino manro, so nashtig xal kaver, numa le rashaja, haj das vi le majbutenge?”

verso 27

Pala kodo inke phendas: „O savato kerdyilas anda manush, haj na o manush anda savato.

verso 28

Anda kado le Manushesko Shavo rajil vi le savatones.”

Capítulos:

1 2 3 4 5 6 7 8 9 10 11 12 13 14 15 16