Evangeliumo kathar o Lukach

Fejezetek:

… 11 12 13 14 15 …   ⇤ ← 13 → ⇥

1. vers

Ande kodol vrami sas kothe unyi zhene, kon viaca ande leske pa kodola galileicka, kaske rata o Pilatush lenge sarkafimosa hamisardas kethane.

2. vers

Voj kado phendas lenge: „Kodo gindisaren, ke kadal galileicka majbezexasle sas kathar le majbut galileicka, ke sa kadal dukhardine?

3. vers

Phenav tumenge: Na! Ba tena inkrena bezexbunuimata, savorazhene zhi kade xasajvenatar.

4. vers

Bake, kodal deshoxto, pe savende ande o Siloe pe lende pelas o kalsamo, haj mudardas len? Kodo gindisaren, ke majbezexasle sas von kathar sakone kaver manushester, kon ando Jeruzhalemo beshen?

5. vers

Phenav tumenge: Na! Ba tena inkrena bezexbunuimata, savorazhene kade xasajvenatar.”

6. vers

Pala kodo kadi parabola phendas: „Jekhe manushes sasles jekh gular kasht mashkar leske drakha. Avrigelas haj frukto rodelas pe leste, ba chi rakhlas.

7. vers

Anda kado kade das duma kaj pesko lashari manush: »Aketa, aba trin bersh kathe phirav, frukto rodav pe kado gular kasht, ba chi arakhav. Shinles avri, ke sostar lel anda khanchimata feri o than ande phuv?«

8. vers

Ba kodo kado phendas leske: »Raja! Mukhles inke kado bersh, zhikaj krujal hunavavles haj gunujaravles,

9. vers

shajke po kaver bersh frukto anla: te pale na, atunchi shinles avri.«”

10. vers

Jekhar ande varisavi zhinagoga sityarelas savatone.

11. vers

Haj aketa, sas kothe »ekh romnyi, ande kaste deshoxto bersh beshelas la nasvalimatako duho. Kade bandyilas aba, ke chisar chi zhanelas avri te vortardyol.

12. vers

Kana o Jezush dikhlas la, kothe akhardas la haj kodo phendas lake: „Romnyale! Slobodisajlan kathar tyo nasvalipe.”

13. vers

Pe late shutas pesko vast, pe soste kodi avricirdaspe, haj luvudyisarlas le Devles.

14. vers

Atunchi duma das la zhinagogako anglalutnari. Kodo chi fajlas les, ke o Jezush savatone sastyardas, kado phendas le butimatange: „Shov dyes si kana trubuj butyi te keras: pe kodol aven apol haj sastyaraven tumen, na pale savatone!”

15. vers

O Raj kodo phendas leske: „Tume paxandine! Chi putreltar savatone mashkar tumende savorazhene peske guruves bake magara kathar e jasla, te ingrel len te pijavel len?

16. vers

Le Abrahameske kadala sheja pale, kas aba deshoxto bersh phangjake inkrel o beng, chi trubusardas savatone apol avri te slobodisardyol anda kadal phanglimata?”

17. vers

Kana kado avri phendas sakono dushmano tele lazhavardyilas, haj le intrega manusha vojinaspe pe chudicka trabi, so kerelas.

18. vers

Atunchi kade das duma: „Pe soste anel le Devlesko them, pe soste anaravles?

19. vers

Pe sinapesko sumburo anel, saves xutyildas »ekh manush, haj beshadas ande peski bar. Pala kodo oprebarilas haj kasht kerdyilas, kade ke le chereske chiriklya mashkar leske kranzhi kerdine penge kulybura.”.

20. vers

Pala kodo kade vorbilas majdur: „Pe soste anarav le Devleske themes?

21. vers

Pe o kamiro anel, saves xutyildas e romnyi, andre hamisardas ande trin rolya aro, zhikaj o intrego opre chi phutyilas.”

22. vers

Pala kado andre phirdas le forura haj le gava, haj sityarelas, sar zhalas karing o Jeruzhalemo.

23. vers

Jekhar feri varikon pushlas lestar: „Raja! Cerra zhene si kon muntusardyon?” Voj kado phendas lenge:

24. vers

„Sidyaren pa tang vudar andre te zhan, ke phenav tumenge: but zhene kamena andre te zhan, ba chi zhanena.

25. vers

Kana le familijasko Dad opreushtyel haj andre phandavel o vudar, tume avral tordyindes katnarena o vudar haj kado phenena: »Raja! Puterles avri amenge!« Voj kado phenla tumenge: »Chi zhanav katharutne sanle.«

26. vers

Atunchi tume kado lena te phenen: »Angla tute xasas haj pasas, haj pe amare vujici sityaresas.«

27. vers

Voj pe kado kodo phenela tumenge: »Chi pinzharav tumen, ke katharutne sanle! Zhantar mandar savorazhene, tume nasula!«

28. vers

Avla maj rovjipe haj dandkircipe, kana dikhena le Abrahamos, le Izhakos le Jakabos haj sa le intregone profetan ande Devlesko them, tumen pale avriphandades.

29. vers

Avena anda oriento haj okidento, nordeno haj sudno haj beshena ande Devlesko them.

30. vers

Ke aketa, si palune, anda kaste anglune avna, haj si anglune, anda kaste palune avna.”

31. vers

Inke ande kodo chaso kothe gelas leste unyi farizana, haj kodo phendine leske: „Zhatar kathar, ke o Herodesh kamel te mudarel tut.”

32. vers

Voj kodo phendas lenge: „Zhantar, haj phenen kodale hilpaske: Aketa, bengen nashavav haj sastyarav, adyes haj tehara, haj po trito dyes agurutnisarav.

33. vers

Ba adyes, tehara haj pala kodo dyes inke po drom trubuj te avav: ke nashtig avel kodo, ke profeta avral pa Jeruzhalemo te xasajveltar.

34. vers

Jeruzhalem, Jeruzhalem! Tu mudares le profetan, haj barresa shudes kodalen, kas tute bishaldine! Sodivar kamlom kethane te kidav tye shaven, sar e khanyi peske cine pujon talapeske phaka, ba tume chi kamline kodo.

35. vers

Aketa, muklo avla tumaro kher. Phenav tumenge, chi dikhena man, zhikj ch«avla e vrama, haj kado phenena: »Ashtyilimej, kon ande Rajesko anav avel«”.

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21 22 23 24