Evangeliumo kathar o Lukach

21. fejezet

Fejezetek:

… 19 20 21 22 23 24 ⇤ ← 21 → ⇥

La phivlya romnyako dinimo

1. vers

Pala kodo opredikhlas, haj samalas, ke le barvale sar shuden andre ande khangerako taxtaj pengo dinipe.

2. vers

Dikhlas vi jekha chorra phivlya romnya, kon duj fillera shudas andre.

3. vers

Atunchi kade das duma: „Amen, phenav tumenge: kadi chorri phivlyi majbut das sakonestar.

4. vers

Ke kodal savorazhene anda butimata dine: voj pale anda pesko chorripe kothe das sakofalo, so sasla: sa anda soste shaj trajilas.”

La khangerako pustipe

5. vers

Kana unyizhene phendine pa khangeri, ke soske shukarone barrenca haj dimatanca si opre shukardi, voj kade das duma:

6. vers

„Avna apol dyesa, kana sa anda kadal, so kathe dikhen, ch«ashola barr po barr, so tele na pustinas.”

Le bidange anglimata

7. vers

Pe kado pushline les: „Maistro! Kana pherdyona sa kadal andre, haj so avla angla lende o somno?”

8. vers

Voj pale kade das palpale vorba: „Len sama, tena xoxaven tumen! Ke but zhene avna ande muro anav, haj kodo phenena: »Me som«, haj: »Reslas e vrama«: ba tume na zhan pala lende.

9. vers

Kana pa marimata haj rebellimata ashunena, na darajven: kadalenge majanglal trubuj te pecisardyon: ba kado inke na o agor avla.

10. vers

Pala kodo kado phendas lenge: „Popularo po popularo dela, haj them po them.

11. vers

Mishkilape e phuv, pe bute thaneste murdimata, bokh, zhungale butya haj chereske somnura avna.

12. vers

Haj sa angla kado, vast vazdena pe tumende haj rodena tumen. Perdal dena tumen le zhinagogange haj ande robilya shudena tumen. Angla kraja haj angla prefektura ingrena tumen anda muro anav.

13. vers

Shajipe avla kado tumenge, ke chacharipe te keren.

14. vers

Ramon mishto ande tumaro ilo: na gindisaren angle, ke sar te ferin tumen.

15. vers

Ke kasavo muj haj platnikipe dav me tumen, saveske chi tumaro jekh dushmano chi zhangla na bake kaver te phenel.

16. vers

Avri phenena tumen tumare dada haj deja, tumare phral, tumare nyamura haj vortakura, haj mashkar tumende si saves vi mudaravena.

17. vers

Rucimaske avna angla sakoneste anda muro anav,

18. vers

ba chi jekh bal chi xasajvela pa tumaro shero.

19. vers

Zuralipesa ferina tumaro dyi.

Le Jeruzhalemesko pustipe

20. vers

Kana pale dikhena, ke ketani lena krujal le Jeruzhalemos, zhanen, ke avilastar lesko pustipe.

21. vers

Atunchi kon ande Judea avna, te nashen ande plaja. Kon kothe beshen te mukhen pengo kher, kon pale pe gava avna tena zhan kothe.

22. vers

Ke le bladomaske dyesaj kadala, ke andre te pherdyol sa kodo, so iskirime si.

23. vers

Jaj le phare bake chuchi dene romnyange ande kodal dyesa! Ke baro kikidyipe avla pe phuv haj xolyi pe kado popularo.

24. vers

Kathar xanre merenatar, haj ande robilya ingrenale kaj sakone populara, le Jaruzhalemos pale tele pustina le murtikana, zhikaj andre chi pherdyola le popularengi vrama.

Le Manusheske Shavesko avlipe

25. vers

Somnura avna ando kham, ando shonitiko haj ande cherhaja, haj pe phuv le manushengi bari dar kathar e marako baro glasipe haj xolyi.

26. vers

Le manusha tinzosajvena kathar e dar, haj kathar kodalesko zhukaripe, so la lumake intregonimatasa pecisardyol, ke le chereske zora kolyonatar.

27. vers

Atunchi dikhena le Manusheske Shaves, sar aveltar ande norora, saktimosa haj luvudyimatasa.

28. vers

Kana pale sa kadal avenatar, cirden tumen avri haj vazden opre tumaro shero, ke pashe si tumaro muntusaripe.”

Pe agurutne vrami phende ferimata

29. vers

Vi parabolikanes vorbisardas lenge: Dikhen le gular kashtes haj le majbute kashten.

30. vers

Kana avri puterdyon, zhanen, ke pashe si o milaj.

31. vers

Kade vi tume, kana dikhen, ke sa kadal pecisajventar, zhanena avri, ke pashe si le Devlesko them.

32. vers

Amen, phenav tumenge: chi nacholtar kado popularo, zhikaj sa kado chi pecisardyola andre.

33. vers

Cheri haj phuv nachonatar, ba mure alava chi nachonatar.

34. vers

Len sama apol pe tumende, tena pharosajvel tumaro ilo ando butajvipe, ando matyipe, haj mashkar le trajesko pharipe, haj kodo dyes tena del pe tumende bi zhukardines.

35. vers

Ke sar o xutyildo, kade dela sa pe kodola, kon pe intregone phuv beshena.

36. vers

Ratyaren apolal, haj ande sakone vramate rudyisaren, ke te muntusardyon sa kathar kodo, so andre pecisardyola, haj te shaj tordyon angla Manushesko Shavo.”