Evangeliumo kathar o Lukach
20. fejezet
Le Jezusheske saktimosko katharutnipe
1. vers
Pelaspe jekhar, ke jekh dyes, kana le manushen sityarelas ande khangeri haj viacarisarelas o evangeliumo, kothe geline le angrashaja, le iskiritora, le phurenca kethanes,
2. vers
haj kade dine duma leste: „Phen avri amenge, ke soske saktimosa keres sa kadala, bake kon das tuke kado saktimos?”
3. vers
Voj kade das duma palpale lenge: „Vi me pushos tumendar variso: Phenen avri mange,
4. vers
le Janoshesko bolipe anda rajo sas bake kathar le manusha?”
5. vers
Kodal kade vorbinas mashkar pende: „Kodo te phenas: »Anda rajo sas«, kodo phenela: »Sostar chi patyanas apol leske?«
6. vers
Kana pale kodo te phenasa: »Kathar le manusha, atunchi e intrego butimata barrenca shudel amen, ke kodo gindin, ke o Janosh profeta si.”
7. vers
Anda kado kodo phendine, ke chi zhanen, katharutnoj.
8. vers
Pe kado o Jezush kodo phendas lenge: „Atunchi chi me chi phenav tumenge, ke soske saktimosa kerav kadalen.”
Parabola pa nasula drakhbutyara
9. vers
Le butimatange pale kadi parabola las te vorbil: „Jekh manush drakh beshadas. Avri das kodo le drakh butyarenge, pala kodo dromardastar pe lungone vramate.
10. vers
Kana avilastar e vrama, bishaldas »ekh sluga kaj le drakh butyara, ke anda drakhengo upajipe, te den leske kothe so leske perelpe. Ba le drakh butyara mardine les, haj shushe vastesa nashadine les.
11. vers
Atunchi jekh kaver sluga bishaldas: ba von vi kodoles mardine, marhisardine les, haj shushe vastesa nashadine les.
12. vers
Pe kado vi jekhe tritones bishaldas: ba von vi kodoles mardine haj avri shudine les.
13. vers
Atunchi le drakhengo raj kade das duma: »So te kerav? Bishalav mure skunpone shaves: les dore patyivina.«
14. vers
Ba le drakhbutyara, kana dikhline les, kade vorbinas mashkar pende: »Kadoj o arando: mudaras les, haj amaro avla o arandimo!«
15. vers
Pala kodo avri shudine les anda drakha haj mudardine les. So kerel pala kado lenca le drakhengo kraj?
16. vers
Kothe zhal haj mudarel kodale drakh butyaran, e drakha pale kaverenge del.” Kana ashundine kado kade dine duma: „Dur te ashardyol amendar!”
17. vers
Ba voj krujal dikhlas pe lende haj pushlas len: „So phenel apol kodo, so iskirime si:
»O barr, saves le barrara shudine,
kolcosko barr kerdyilas«?
18. vers
Sa kodo, kon pe kado barr opre perela, kethane phagerdyol, haj pe kaste kado perela, kethane morela kodo les.”
19. vers
Ande kodo chaso le angrashaja haj le iskiritora vast kamline te vazden pe leste, ba daranas kathar le manusha: ke hatyardine, ke pa lende phendas e parabola.
Pushlipe pa takshate
20. vers
Te zhanen ke so kerel, avridikhara bishaldine pe leste, kon pen chacheske sikavenas te shaj xutyilen les kathar leski vorba, haj angla kris haj angla prefekto te shaj ingreven les.
21. vers
Kadal pushline lestar: „Maistro! Zhanas, ke chachipe phenes haj mishto sityares, haj ke chi alosares le manushen, ba ando chachipe sityares le Devlesko drom.
22. vers
Slobodo si taksha te potyinas le chasareske, bake na?”
23. vers
Voj sama las lengo xalipe, haj kodo phendas lenge:
24. vers
„Sikaven mange jekh denaro. Kaski mosura haj iskiripe si pe leste?” Kodo phendine leske: „Le chasaresko.”
25. vers
Pe kado kodo phendas lenge: „Den apol le chasaroske, so le chasreskoj, haj le Devleske, so le Devleskoj.”
26. vers
Kade chi zhanenas ande leske vorbi andre te phanden, save angla e manusha phendas: barem bari dikhline pe lesko palpale phenipe haj ashletar.
Pushlipe pa mulengo opretrajisaripe
27. vers
Kothe geline leste unyizhene mashkar le sadducana, kon asvikarnas le opretrajilipes, haj pushline les:
28. vers
„Maistro, o Mozesh angle iskirisardas amenge: Varikon te merela lesko phral, kas romnyi sas, ba shavoro na, atunchi o phral te lel la romnya, haj te kerel shaves peske phraleske.
29. vers
Sas efta phral. O angluno romnya las, pala kodo mulas bi shavoresko.
31. vers
pala kodo o trito las la romnyake, haj sa kade sol efta zhene, shavores na muklines, sa muline.
33. vers
Kana avla o opretrajisaripe, atunchi saveski romnyi avla e romnyi? Ke sol eftange romnyi sas.”
34. vers
O Jezush kodo phendas lenge: „Kadal lumake manusha ansurisajven haj romeste zhan.
35. vers
Ba kodal kon dosta avna te resen e kaver luma, haj anda meripe o opretrajisaripe, chi ansurisajven, haj chi romeste chi zhan,
36. vers
ke majbut aba china nashtig merena. Kasave avna sar le andyela, haj le Devleske shave avna, ke le opretrajisardyilineske shavej.
37. vers
Ke pale le mule opretrajisardyon, kodo vi o Mozesh somnosardas kaj o vepreso, kana le Rajes »Le Abrahameske Devleske, le Izhakeske Devleske, haj le Jakobeske Devleske phendas.
38. vers
O Del apol na le mulengoj, ba le zhuvindengoj, haj ke sakon anda leste trajil.”
39. vers
Atunchi unyi iskiritora kado phendas leske: „Maistro! Mishto vorbisardan.”
40. vers
Haj majdur chi tromajline khanchi te pushen lestar.
Pushlipe pa Messhiasho
41. vers
Atunchi voj pushlas lendar: „Sar shaj phenen le Kristos le Davideske shaveske,
42. vers
kana voj o David phenel ande salmongi hertilyi:
»Kade das duma o Raj kaj muro Raj:
Besh pe muri chachi rig,
43. vers
zhikaj tye dushmanon
tye punrenge iskamineske chi shav len!«
44. vers
O David apol peske Rajeske akharel les. Sar shaj avel atunchi lesko shavo?”
Pe le iskiritora
45. vers
Pala kodo angla intregone manusha kado phendas peske sityardenge:
46. vers
„Ferin tumen kathar le iskiritora, saven faj ande shukara gada te phiren, faj len kana dyes denle pe foroske placura, haj le anglune thana ande zhinagogi, haj le anglalutne thana pe bare xamimata.
47. vers
Opretrajin le phivlyange khera, kana mashkaral pale kerenpe, ke rudyin. Pe kadal majphare krisarimata zhukarel.”
Könyvek
