Evangeliumo kathar o Lukach

Fejezetek:

… 9 10 11 12 13 …   ⇤ ← 11 → ⇥

1. vers

Pecisajlas jekhar, ke varikaj rudyilas, haj kana agrorisardas, mashkar leske sityarde o jekh kodo phendas leske: „Raja! Sityar amen te rudyisaras, sar vi o Janosh sityardas peske sityarden.”

2. vers

Pe kado kodo phendas lenge: „Kana rudyin, kado phenen:
Amaro Dad! Suntosardyol tyo anav,
te aveltar tyiro them!

3. vers

Amaro sakodyesesko manro de amenge sako dyes,

4. vers

haj jertisar amare bezexa,
sar ke vi ame jertisaras amare sakone bezexaslenge
haj na inger amen ando zumavjipe.”

5. vers

Pala kodo kade das duma lende: „Mashkar tumende varisaves te siles vortako, haj kodo kothe zhal leste dopash ratyi, haj kodo phenel leske: »Muro vortakona! De man unzhiles trin manre,

6. vers

ke jekh vortako avilas amande pa drom, haj naj so te dav les«:

7. vers

ba o kaver andral kado phenel: »De man pacha, o vudar aba phandadoj, vi mure shavora aba ando pato sile manca kethanes, nashtig ushtyav opre, te dav tut!«

8. vers

Phenav tumenge: chi tena ushtyelas opre te del les anda kodo, ke lesko vortakoj, ba vi kade, ke tradas e lindra lestar, opreushtyel, haj del leske kattyi, sode trubuj les.

9. vers

Anda kado phenav tumenge: Mangen, haj dena tumenge, roden, haj arakhena, katnaren o vudar, haj putrena tumenge.

10. vers

Sa kodo kon mangel, lel, kon rodel, arakhel, haj kon katnarel o vudar kodaleske vi putrena kodo.

11. vers

Savoj kodo dad mashkar tumende kon, kana lesko shavo masho mangel, na masho barem sap del les?

12. vers

Bake kana anro mangel, dore skorpiovo del les?

13. vers

Apol kana tume, vi nasula te sanle, ba zhanen lashe dimata te den tumare shavorenge, sodivar majinke del le Suntone Duhos tumaro rajuno Del kodalenge, save mangenles lestar!”

14. vers

Jekhar avrinashadas jekhe benges savo muto sas. Kana o beng avri gelas, o muto duma das, e butimata pale bari dikhlas.

15. vers

Ba mashkar lende unyizhene kade vorbinas: „Kathar le bengesko kraj, le Belzebubeske zhutimatasa nashavel avri le bengen”

16. vers

Kavera pale chereske somnura mangenas lestar, te zumaven les.

17. vers

Ba voj dikhelas lenge gindimata, haj kodo phendas lenge: „Sako them savo nasul kamel peske, merel, haj o kher po kher mulyajvel.

18. vers

Kana apol o beng pe peste te del pes, sar shaj inkerdyolas opre lesko them? Kodo phenen, ke me le Belzebubeske zhutimatasa nashavav avri le bengen.

19. vers

Ba me le Belzebubeske zhutimatasa te nashavav avri le bengen, atunchi tumare shave kaske zhutimatasa nashaven avri? Von avna apol tumare krisara.

20. vers

Ba me le Devleske najesa te nashavav avri le bengen, shaj zhanen ke reslas tumende le Devlesko them.

21. vers

Kana o zuralo mudvaresa lel sama pe pesko kher, ande ferimata si lesko barvalipe.

22. vers

Ba kana lestar majzuralo avel, marel les, sa lel leske mudvara, ande soste patyalas, haj ulavela o barvalipe.

23. vers

Kon naj manca, kodo muro dushmanoj, haj kon chi kidel manca, kodo rispisarel.

24. vers

Kana o biuzho duho avrizhal anda manush, pe bi pajenge thana phirel, haj pacha rodel: ba ke chi rakhel, kade del duma: »Palpale zhav ande muro kher, anda savo avriavilem«.

25. vers

Kana palpale resel, avriuzhardes rakhel kodo haj opreshukaradines.

26. vers

Atunchi zhaltar, peste lel inke efta kavere duhon, pestar majnasulen, andre zhan, haj kothe beshen. Haj kodaleske manusheske inke majnasul avla, sar angla kodo kaj sas.”

27. vers

Pelaspe apol, kana kadal phenelas, anda butimata oprecipisardas »ekh romnyi: „Anandij e uterla, haj le chucha save pilan!”

28. vers

Pe kado voj kodo phendas: „Bethar kodal si le anande, kon le Devleske vorbi ashunen, haj vi andre inkren kodalen!”

29. vers

Kana e butimata kethane avilas, kade las te vorbil: „Kado popularo nasul popularoj. Somno dorosarel, ba chi lel kaver somno, sar le Janosh profetasko somno.

30. vers

Ke sar o Jonash somno sas le niniveicka manushenge, vi le Manushesko Shavo kodo avla kadale generaciovoske.

31. vers

E sudnicko krajkinya opreushtyola pe krisimata kadale popularonge manushenca, haj krisarel len, ke voj avilastar pa phuvako agor, te ashunel le Shalamonesko platnikipe, haj aketa, majbaro si kathe kathar o Shalamono.

32. vers

Le nineveicka mursh opretordyona pe krisimata kadale popularonca, haj krisarena, ke von pe Jonasheski vorba bezexbunuimata inkerdine: haj aketa, majbaro si kathe kathar o Jonash.

33. vers

Khonyik chi phabarel melcho anda kodo, te garavel kodo, bake tala vaso te garavelles, ba po inkerdo, ke kon andre zhan, te dikhen o fimlalipe.

34. vers

Tye truposko fimlalipe tye jakha si: kana tye jakha lashej, tyo intrego trupo fimlalo si: ba kana nasulaj, vi tyo trupo tunyarnyikoj.

35. vers

Le sama apol, ke o fimlalipe so ande tute si, tunyarikipe tena avel.

36. vers

Apol kana tyo trupo intregones fimlalo te si, naj ande leste khanchi tunyarikipe, sagutnes fimlalo avla, sar kana o melcho peske ablyolimatasa fimlalisarel tut.

37. vers

Sar vorbilas, »ekh farizano manglas les, te xal leste ande mizmereski vrama. Voj andre gelas leste, haj kaj e mesalya beshlas.

38. vers

O farizano pale xolyajlas ande peste, ke dikhlas, ke angla xamo chi thodas vast.

39. vers

Atunchi o Raj kodo phendas leske: „Tume farizana dore uzharen le taxtajeski haj le tejareski avralutnimata? Ba tumaro andralutnipe pherdo si choripesa haj nasulipesa.

40. vers

Bi godyangire! Kon o avralutnipe kerdas, apolal na kodo kerdas vi o andralutnipe?

41. vers

So ande tumende si, anda kodo den zhutimatipe, haj atunchi sakofalo uzho avla tumenge.

42. vers

Ba jaj tumenge farizana! Ke deshimata den anda menta, anda ruta, haj anda sakone beshavjimata, ba chi bunun tumen le Devleske krisasa haj leske kamipesa. Kadalen trubujas te keren, ba chi kodolen ch«avlas slobodo ando khanchi te len.

43. vers

Jaj tumenge, farizana! Ke kamen le anglune thana ande zhinagoga, haj kana anglalutnes dyes den tumenge pe vujica.

44. vers

Jaj tumenge, ke kasave sanle, sar le bi somnosarde murmuntura, pe save opralutnes manusha phiren, kade, ki china chi zhanen pa lende.”

45. vers

Pe kado mashkar le kris zhanara jekh kado phendas leske: „Maistro! Kado te phenes, atunchi vi amen marhis.”

46. vers

Voj kado phendas leske: „Jaj vi tumenge, kris zhanara! Ke bi shaj inkerde pharimata shon pel manusha, tume pale chi jekhe najesa chi resen kaj o pharipe.

47. vers

Jaj tumenge, ke serojimatange murmuntura vazden le profetange, tumare dada pale mudardine len.

48. vers

Kadalesa apol, andre sikaven, ke jekh hatyaren tumare dadenca: ke kodal mudardine len, tume pale lenge murmuntura keren.

49. vers

Anda kodo phendas vi le Devlesko platnikipe: Profetan haj aposhtolura bishalav lende, ba avna saven mudarena haj nashavna mashkarlende,

50. vers

ke te shaj mangen palpale kathar kado popularo sakone profetasko rat, savo avrimukline zhikathar lumako anglalutnipe,

51. vers

zhikathar le Abelesko rat zhikaj le Zakariashesko rat, kon mashkar o oltaro haj khangeri xasajlas. Amen, phenav tumenge: palpale mangena sa kadala kathar kado popularo.

52. vers

Jaj tumenge, kris zhanara! Ke linetar le zhanimatake kilyi, tume chi zhan andre, haj kon andre zhalas vi kodales palpale inkren.”

53. vers

Kana avri gelas kothar, le iskiritora haj le farizana zurales oprexolyajline, haj pa but sakofaloste line te pushen les.

54. vers

Kodo zhukarenas, te shaj rakhen ande leske phenimata variso dosh.

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21 22 23 24