Evangeliumo kathar o Lukach
14. fejezet
Jekhe pajinasvale manushesko sastyaripe savatone
1. vers
Pelaspe apol, ke o Jezush savatone ande jekhe anglalutne farizanesko kher gelas te xal, haj kodal dikhenas les.
2. vers
Kothe jekh pajinasvalo manush das angla leste.
3. vers
Atunchi o Jezush pushlas kathar le kris zhanara haj kathar le farizana: „Slobodo si dore savatone te sastyaren bake naj?”
4. vers
Kodal chi dine duma. Pe kado kaj o nasvalo reslas, sastyardas les, haj bishaldas les.
5. vers
Pala kodo kade das duma lende: „Mashkar tumende varisavesko shavo bake lesko guruv ande xajing te perel, chi cirdel les avri sigo, inke vi savatone?”
6. vers
Pe kado chi zhangline so te phenen.
Pa chorripe
7. vers
Le akhardenge pale parabolicka vorbilas, ke dikhlas, ke sar alosaren le anglune thana. Kado phendas lenge:
8. vers
„Kana ando abav akharen tut, na besh po angluno than. Tena perelpe, ke tutar vi majrajkane manushes te akhardinesas,
9. vers
kothe te avel kodo kon les haj vi tut akhardas, haj kodo te phenel tuke: »De perdal tyo than! Haj atunchi ande bari lazhavjimata mashkaral shaj beshes po majpaluno than.
10. vers
Kana apol akharen tut, zha besh tele po majpaluno than. Atunchi kothe avela kodo, kon akhardas tut, haj kodo phenel tuke: »Muro vortakona! Zha majopre!« Kade majbari patyiv avla tut angla sakoneste.
11. vers
Ke kon pes opreasharel, kodales tele lazhavaren, haj kon pes tele lazhavarel, kodales opreasharen.”
Kaj o kher dinio patyivisaripe
12. vers
Kodaleske pale kon les akhardas, kado phendas: „Kana mizmeresko bake ratyako xamo des, na tye vortakon haj tye phralen akhar, haj na tye nyamon bake tye barvale vechinan, kon vi tut palpale akharen haj palpale den tuke.
13. vers
Kana patyiv keres ande tyo kher, akhar le chorren, le paralizanen, le bangen, le korren.
14. vers
Kade anando avesa, ke kodal chi zhanen tuke palpale te denles. Ba kana le chache opretrajisajvena, lesa tyo potyinipe.
Parabola pa bare dyesesko xamo
15. vers
Jekh akhardo kana kado ashundas kade das leste duma: „Anandoj, kon kaj e mesalya shaj beshel ande Devlesko them!”
16. vers
Voj pale kado phendas palpale: „Jekh manush baro xamo kerdas haj but manushen akhardas.
17. vers
Ande ratyake xamosko chaso bishaldas peske slugas, te del duma le akhardenge: »Aven aba, ke aba sakofalo gata si!«
18. vers
Ba mashkar kodal jekh pala kaver lelas haj avri muntulas pes. O angluno kado phendas leske: »Phuv kindom, trubuj te zhavtar te dikhavles: mangav tut, muntusar man avri!«
19. vers
O kaver pale kodo phendas: »Deshe guruven kindom, zhav avrizumavav len: mangav tut, muntusar man avri!«
20. vers
Jekh kaver kodo phendas: »Akhanak lom romnya, nashtig zhav!«
21. vers
Kana e sluga palpale reslas, sakofalo phendas peske rajeske. Pe kado o raj xolyajlas, haj kado phendas peske slugaske: »Zha avri sigo pe foroske sako placo haj ande sako vujica, haj an kathe andre le chorren, le balvaldiren, le korren haj le bangen!«
22. vers
E sluga phendas leske: »Raja! Kerdyilas so vladisardan, ba inke si than.«
23. vers
Atunchi o Raj kado phendas peske slugaske: »Zha avri pel droma haj kaj le gradyija! Zurar, te aven andre le manusha, te pherdyol muro kher.«
24. vers
Phenav apol tumenge, ke mashkar kodal, kon akharde sas, chi jekh chi xala anda xamo.”
Pala Jezush zhalimaske avriphanglimata
25. vers
But manusha zhanas lesa, voj pale lende boldaspe, haj kado phendas:
26. vers
„Kana varikon mande avel haj chi rucil peske dades haj deja, peska romnya haj shavora, phral haj phenya, haj inke vi pe pesko trajo, atunchi nashtig avel muro sityardo.
27. vers
Haj kon chi phiravel pesko trushul haj ch«avel pala mande, nashtig avel muro sityardo.
28. vers
Ke kon si mashkar tumende, kon kalsamo kamel te kerel, haj chi beshel tele majanglal, avri te ginavel le avri dinimata, ke avla dore andasoste andre te agurutnisarel peski butyi?
29. vers
Tena perelpe, ke kana tele shutas o fundo, tena zhanel andre te agurutnisarel les, haj sakon kon dikhel les, te prassal les:
30. vers
«Kado manush las te kerel les, ba chi zhanglas andre te agurutnisarel les.«
31. vers
Bake savo kraj si kodo, ke kana ando maripe zhal pekh kaver kraj, chi beshel tele majanglal, te gindilpe, ke avla les zor dore, deshmija ketanenca te marel kodales, kon bishmiji ketanenca avel pe leste?
32. vers
Ke tena najles, atunchi legatara bishalel leste, pacha te mangel, kana inke dur si.
33. vers
Kade apol kon mashkar tumende chi phenel tele pa sakofaloste, so siles, nashtig avel muro sityardo.
34. vers
Lashoj o lon: ba kana o lon xasarela pesko svado, sosa londyarenales?
35. vers
Chi pe phuv, chi pe avri shudinimaski gropa naj lasho, avri te shuden les. Kas si kan po ashunipe, t«ashunel les!”
Könyvek
