Evangeliumo kathar o Lukach
17. fejezet
Feripe kathar le bidara
1. vers
Pala kodo kade das duma kaj peske sityarde: „Nashtig avel kodo, ke bidi tena pecisajven, ba jaj kodaleske, kon kerel kodalen.
2. vers
Majmishto avlas kodaleske, barr te phandenas ande leski kor, haj ande mara te shudenas les, sar te kaldosarel vi jekhes mashkar kadal cinora.
3. vers
Lensama pe tumende!
Pa jertipe Te bezexarela tuke tyo phral, de pe leste duma: haj te bunujala, atunchi jertin leske!
4. vers
Inke vi atunchi, kana andekh dyes eftavar bezexarela, haj sako dyes eftavar zhala palpale tute, haj kado phenla: »Bunusarav!«- jertisar leske.”
Pa patyapeski zor
5. vers
Le aposhtolura atunchi kado phendine le Rajeske: „Barar ande amende o patyape!”
6. vers
O Raj kado phendas pe kado: „Kana numa kabor patyape avla tumen, sar jekh sinap sumburo, haj kadale dudenge kashteske kodo phenena: »Shindyosar avri zhikathar e buchuma haj mukh rikita ande mara!«, mukela pe tumenge.
Parabola pa khanchikerdeski sluga
7. vers
Kon phenel mashkar tumende peske slugaske, kana pala plugimata khere avel pa mal: »Avtar sigo, besh kaj e mesalya?«
8. vers
Barem na kodo phenel leske: »Ker mange xaben, brichinar tut opre haj slugisar man avri, zhikaj xav haj pav, pala kodo shaj xas haj shaj pes vi tu«?
9. vers
Apolal chi najisil le slugaske, ke kerdas sa kodola, so vladisardas leske?
10. vers
Kade vi tume, kana sakofalo kerena so vladisarde tumenge, phenen: »Khanchi kerde slugi sam, numa kodo kerdam, so amari butyi sas!«”
Le desh leprale
11. vers
Pelaspe apol, ke kana karing o Jeruzhalemo zhalas, perdal gelas pa Samaria haj Galilea.
12. vers
Kana andre gelas andekh gav, mostar leske avenas desh leprale mursh. Rigate tordyiline,
13. vers
haj glasunes cipinas: Jezush, Maistro! Gracijisar p«amende!”
14. vers
Kana dikhlas len, kodo phendas: „Zhantar, sikaven tumen le rashajenge!”. Haj kade pecisardyilas, ke sar zhanas, uzhilisajline.
15. vers
O Jekh mashkar lende, kana dikhlas, ke sastyilas, palpale gelas, haj glasunes luvudyilas le Devles,
16. vers
haj angla Jezusheske punre pe pesko muj burdosardes najisilas leske: haj kado samaricko sas.
17. vers
O Jezush pale kade das duma: „Haj na desh zhene uzhiline? Le majbut ijja kaj si?
18. vers
Nas kaver, kon palpale avilino, te luvudyisarel le Devles, feri kado streno?”
19. vers
Pala kodo kade das duma leste: „Ushtyi opre haj zhatar: tyo patyape sastyardas tut.”
Pa Devlesko themesko avlipe
20. vers
Kana le farizana pushline lestar, ke kana avlatar le Devlesko them, kado phendas lenge: „Le Devlesko them ch«avlatar sar dikhlimata.
21. vers
Chi phenena: »Aketa, kathe si,« bake »kothej«. Ke le Devlesko them mashkar tumende si.
Le Manusheske Shavesko avlipe
22. vers
Le sityardenge pale kado phendas: „Avna dyesa kana fajas tumen le Manusheske Shavesko vi jekhtuno dyes te dikhen, ba chi dikhena les.
23. vers
Kana kodo phenena tumenge: »Aketa, kathe si«, aketa, kothe si«: na zhantar haj na nashen kothe.
24. vers
Ke sar o fimlalo shtrafin savo perdal dichol pa chereski jekh rig po kaver, kasavo avla vi le Manusheske Shavo pe pesko dyes.
25. vers
Ba majanglal inke but trubuj te dukharel, haj trubuj te mudarel les kadal populara.
26. vers
Sar ande Noeveske dyesa pecisajline, kade avla vi ande Manusheske Shaveske dyesa.
27. vers
Xanas, penas, ansurinas haj romeste zhanas zhikaj kodo dyes, pe savo o Noe andre gelas ando bero. Pala kodo avilas le barepajesko shordyipe, haj sakofalo mudardas.
28. vers
Haj zhikade, sar ande Loteske dyesa pecisajlas: Xanas, penas, kinenas thaj paruvenas, beshavnas, vazdenas.
29. vers
Haj kodo dyes kana o Lot avri gelas anda Sodoma, jag haj shtrafina perenas anda cheri haj mudardas sakones.
30. vers
Kade avla vi kodo dyes kana le Manushesko Shavo dichosajvela.
31. vers
Kon kodo dyes pe kheresko opralutnipe avla, haj leske butya ando kher, tena avel tele pala lende, te ingrel len: haj kon pe mal avla, tena avel khere.
33. vers
Kon kamel te muntusarel pesko trajo, xasarel kodo: kon pale xasarel les, muntusarel kodo.
34. vers
Phenav tumenge: Kodi ratyi dujzhene avna ande o pato: Jekhes oprelena, le kaveres kothe mukena.
35. vers
Duj romnya morel jekharsa: jekha oprelena, la kavera kothe mukena.
36. vers
Dujzhene avna pe mal: jekhes opre lena, le kaveres kothe mukhena.”
37. vers
Pe kado pushline lestar: „Kaj avla kado, Raja?” Voj kodo phendas lenge: „Kaj trupo si, kothe huran vi le akvilnura.”
Könyvek
