Evangeliumo kathar o Lukach
24. fejezet
Le andyelosko viacaripe pa shusho murmunto
1. vers
Pe kurkesko angluno dyes kana zorilas kaj o murmunto geline, penca ingerdine le parfumon so kerdine.
2. vers
O barr aba nas pe murmuntosko vudar kana kothe resline.
3. vers
Kana andre ushtyiline, chi arakhline le Raj Jezushesko trupo.
4. vers
Pelaspe apol, zhikaj pa kado vorbinaspe, jekharsa duj manusha tordyonas kothe pasha lende, ande ablyolinde gada.
5. vers
Le romnya darajline, haj pe phuv dikhline tele. Kodal pale kade dine duma lende: „Sostar roden le zhuvindes mashkar le mule?
6. vers
Naj kathe, ke opretrajisardyilas. Serosaren feri palpale, so phendas tumenge, kana inke ande Galilea sas:
7. vers
«Le Manusheske Shaveske ande le bezexasle manushenge vast trubul te perel, po trushul te tannaren les, ba po trito dyes opretrajisardyola.«”
8. vers
Atunchi ande lengi godyi aviline kadal vorbi.
9. vers
Palpale geline apol kathar o murmunto, haj phendine sa kado le deshujekhenge haj le majbutenge.
10. vers
E Marija Magdolna, e Johanna, haj Marija, le Jakaboski dej, haj kon lenca sas le majbut romnya phendine sa kado le aposhtolenge.
11. vers
Ba von numa viziovoske inkrenas kadala vorbi, haj chi patyanas lenge.
12. vers
Ba o Peter vi kade oprelaspe, haj kaj o murmunto nashlas. Andre dikhlas, ba numa le poxtana dikhlas, kade pe pecimata chudindes khere gelas.
Arakhadyipe le opretrajisardesa pe emmausesko drom
13. vers
Kodo dyes dujzhene mashkar lende andekh Emmaiusesko than geline, savo kathar o Jeruzhalemo shovardesh shtadiumo dur sas,
14. vers
haj vorbinaspe jekhavresa sa pa kodo, so pecisajlas.
15. vers
Sar vorbinas, jekharsa o Jezush pasharelas lende haj lenca inkerdas.
16. vers
Ba lenge jakhen palpale inkrelas variso, opretena pinzharen les.
17. vers
Duma das lende: „Pa soste vorbin tume jekhavresa po drom?” Von brigasles tordyiline.
18. vers
O jekh, kaske Kleofash sas lesko anav, kodo phendas: „Tu san o korkoruno streno ando Jeruzhalemo, kon chi zhanel, ke so pecisajlas kothe ande kadal dyesa?”
19. vers
Voj pushlas lendar: „So?” Kodo phendine leske: „Le Nazaretickone Jezusheski traba, kon ande kerdyimata haj ande vorbi zurales baro profeta sas angla o Del haj angla intrega manusha.
20. vers
Ke sar dine les le angrashaja haj lenge anglune manusha pe merimaski kris, haj sar tannardine les po trushul.
21. vers
Ame pale kodo sperantisardam, ke voj muntula le Izraeles. Haj sa pe kadal opralutnes, aba kadal trabi trin dyesa ke pecisajline.
22. vers
Ba vi unnyi romnya save mashkar amende sile daradine amen, kon kana zorilas kaj o murmunto sasle,
23. vers
haj ke chi arakhline lesko trupo, palpale aviline kodala viacasa, ke vi andyelonge sikadyimata dikhline, kon kodo phendine, ke trajil.
24. vers
Mashkar amare amala unnyizhene kaj o murmunto geline, haj kade arakhline les, sar le romnya phendine kodo, ba les chi dikhline.”
25. vers
Pe kado voj kodo phendas lenge: „O, tume chalade haj phare ileskire pe kodo, ke te patyan sa kodo, so le profeti phendine!
26. vers
Haj na kadala trubusardas te dukhareltar le Kristoske, andre te shaj zhal ando luvudyipe?”
27. vers
Haj kathar o Mozesh zhikaj le majbut profeti, sakofalo avri phendas lenge, so ande le iskirimata pa leste vorbilas.
28. vers
Kana kothe resline kaj o gav, kade kerdas sarkon majdur kamel te zhal.
29. vers
Ba palpale inkrenas les: „Ash amenca, ke aba ratyol, haj tele nakhel vi o kham aba!” Andre gelas, lenca te ashol.
30. vers
Kana kaj e mesalya beshlas lenca, xutyildas o manro, ashtyilipe phendas, phaglas les haj kothe dasles lenge.
31. vers
Atunchi puterdyilas lenge jakha, haj pinzhardine les, ba voj nachilastar angla lenge jakha.
32. vers
Von pale kade dine duma jekhavreste: „Haj chi phabolas amaro ilo kana vorbilas amende po drom, haj opreputerdas angla amende le iskirimatan?”
33. vers
Inke ande kodo chaso oprelinepe, haj palpale geline ando Jeruzhalemo, haj kethanes arakhline le deshujekhen, haj kon lenca sasle.
34. vers
Kodal kade dine duma: „Chachikanes opretrajisardyilas o Raj, haj sikadyilas le Shimoneske!”
35. vers
Pe kado vi von phendine lenge, ke so pecisardyilas po drom, haj kodo, ke sar pinzhardine les opre kana phaglas o manro.
Le opretrajisardesko sikadyipe ando Jeruzhalemo
36. vers
Zhikaj pa kadal vorbinaspe, jekharsa o Jezush tordyolas mashkar lende, haj kodo phendas lenge: „Pachipe tumenge!”
37. vers
Zurales darajline, ke kodo gindisardine, ke dichimata dikhen.
38. vers
Ba voj pushlas lendar: „Sostar darajline, haj sostar kerdyilas bipatyape ande tumaro ilo?
39. vers
Dikhen mure vast haj mure punre, ke le dichimatas naj les mas haj kokala, ba sar dikhen, man si.”
40. vers
Kado phendas, pala kodo sikadas lenge peske vast haj punre.
41. vers
Ke ande pengi lossh inke chi akanak chi patyanas, haj feri chudinaspe, kodo phendas lenge: „Si tumen kathe varisosko xamasko?”
42. vers
Pe kado dine les jekh kotor peko masho.
43. vers
Lasles, haj angla lenge jakha xalas anda leste.
44. vers
Pala kodo kade das duma lende: „Kadal si kodal alava, so phendom tumenge, kana inke tumenca somas, ke andre trubuj te pherdyol sa kodaleske, so tele si iskirime pa mande ande Mozesheske krisa ande profeta haj ande salmura.”
45. vers
Atunchi puterdas lengo hatyaripe, te hatyaren le iskirimata.
46. vers
Kodo phendas lenge: „Kade si iskirime, ke le Kristoske trubuj te dukhardyol, haj po trito dyes opre te trajisardyol anda o meripe.
47. vers
Ande lesko anav kaj o Del boldipe trubuj te sityaren pe bezexengo jertipe zhikathar o Jeruzhalemo sakone popularenge.
49. vers
Me maj bishalo tumenge kodo, so muro Dad phendas. Tume feri ashon ando foro, zhikaj chi pherdyarel tumen e zor anda uchipe.”
50. vers
Pala kodo avriingerdas len, na dur kathar e Betania, oprevazdas pesko vast, haj ashtyilisardas len.
51. vers
Sar ashtyilisarelas len las te durutnisajvel lendar, haj opreingradyilas ando rajo.
52. vers
Changadines rudyinas leste, pala kodo bara losshasa palpale geline ando Jeruzhalemo.
53. vers
Sagutnes kothe sasle ande khangera, haj ashtyilisarenas le Devles.
Könyvek
