capitolul 11
Pecisajlas jekhar, ke varikaj rudyilas, haj kana agrorisardas, mashkar leske sityarde o jekh kodo phendas leske: „Raja! Sityar amen te rudyisaras, sar vi o Janosh sityardas peske sityarden.”
Pe kado kodo phendas lenge: „Kana rudyin, kado phenen:
Amaro Dad! Suntosardyol tyo anav,
te aveltar tyiro them!
Amaro sakodyesesko manro de amenge sako dyes,
haj jertisar amare bezexa,
sar ke vi ame jertisaras amare sakone bezexaslenge
haj na inger amen ando zumavjipe.”
Pala kodo kade das duma lende: „Mashkar tumende varisaves te siles vortako, haj kodo kothe zhal leste dopash ratyi, haj kodo phenel leske: »Muro vortakona! De man unzhiles trin manre,
ke jekh vortako avilas amande pa drom, haj naj so te dav les«:
ba o kaver andral kado phenel: »De man pacha, o vudar aba phandadoj, vi mure shavora aba ando pato sile manca kethanes, nashtig ushtyav opre, te dav tut!«
Phenav tumenge: chi tena ushtyelas opre te del les anda kodo, ke lesko vortakoj, ba vi kade, ke tradas e lindra lestar, opreushtyel, haj del leske kattyi, sode trubuj les.
Anda kado phenav tumenge: Mangen, haj dena tumenge, roden, haj arakhena, katnaren o vudar, haj putrena tumenge.
Sa kodo kon mangel, lel, kon rodel, arakhel, haj kon katnarel o vudar kodaleske vi putrena kodo.
Savoj kodo dad mashkar tumende kon, kana lesko shavo masho mangel, na masho barem sap del les?
Bake kana anro mangel, dore skorpiovo del les?
Apol kana tume, vi nasula te sanle, ba zhanen lashe dimata te den tumare shavorenge, sodivar majinke del le Suntone Duhos tumaro rajuno Del kodalenge, save mangenles lestar!”
Jekhar avrinashadas jekhe benges savo muto sas. Kana o beng avri gelas, o muto duma das, e butimata pale bari dikhlas.
Ba mashkar lende unyizhene kade vorbinas: „Kathar le bengesko kraj, le Belzebubeske zhutimatasa nashavel avri le bengen”
Kavera pale chereske somnura mangenas lestar, te zumaven les.
Ba voj dikhelas lenge gindimata, haj kodo phendas lenge: „Sako them savo nasul kamel peske, merel, haj o kher po kher mulyajvel.
Kana apol o beng pe peste te del pes, sar shaj inkerdyolas opre lesko them? Kodo phenen, ke me le Belzebubeske zhutimatasa nashavav avri le bengen.
Ba me le Belzebubeske zhutimatasa te nashavav avri le bengen, atunchi tumare shave kaske zhutimatasa nashaven avri? Von avna apol tumare krisara.
Ba me le Devleske najesa te nashavav avri le bengen, shaj zhanen ke reslas tumende le Devlesko them.
Kana o zuralo mudvaresa lel sama pe pesko kher, ande ferimata si lesko barvalipe.
Ba kana lestar majzuralo avel, marel les, sa lel leske mudvara, ande soste patyalas, haj ulavela o barvalipe.
Kon naj manca, kodo muro dushmanoj, haj kon chi kidel manca, kodo rispisarel.
Kana o biuzho duho avrizhal anda manush, pe bi pajenge thana phirel, haj pacha rodel: ba ke chi rakhel, kade del duma: »Palpale zhav ande muro kher, anda savo avriavilem«.
Kana palpale resel, avriuzhardes rakhel kodo haj opreshukaradines.
Atunchi zhaltar, peste lel inke efta kavere duhon, pestar majnasulen, andre zhan, haj kothe beshen. Haj kodaleske manusheske inke majnasul avla, sar angla kodo kaj sas.”
Pelaspe apol, kana kadal phenelas, anda butimata oprecipisardas »ekh romnyi: „Anandij e uterla, haj le chucha save pilan!”
Pe kado voj kodo phendas: „Bethar kodal si le anande, kon le Devleske vorbi ashunen, haj vi andre inkren kodalen!”
Kana e butimata kethane avilas, kade las te vorbil: „Kado popularo nasul popularoj. Somno dorosarel, ba chi lel kaver somno, sar le Janosh profetasko somno.
Ke sar o Jonash somno sas le niniveicka manushenge, vi le Manushesko Shavo kodo avla kadale generaciovoske.
E sudnicko krajkinya opreushtyola pe krisimata kadale popularonge manushenca, haj krisarel len, ke voj avilastar pa phuvako agor, te ashunel le Shalamonesko platnikipe, haj aketa, majbaro si kathe kathar o Shalamono.
Le nineveicka mursh opretordyona pe krisimata kadale popularonca, haj krisarena, ke von pe Jonasheski vorba bezexbunuimata inkerdine: haj aketa, majbaro si kathe kathar o Jonash.
Khonyik chi phabarel melcho anda kodo, te garavel kodo, bake tala vaso te garavelles, ba po inkerdo, ke kon andre zhan, te dikhen o fimlalipe.
Tye truposko fimlalipe tye jakha si: kana tye jakha lashej, tyo intrego trupo fimlalo si: ba kana nasulaj, vi tyo trupo tunyarnyikoj.
Le sama apol, ke o fimlalipe so ande tute si, tunyarikipe tena avel.
Apol kana tyo trupo intregones fimlalo te si, naj ande leste khanchi tunyarikipe, sagutnes fimlalo avla, sar kana o melcho peske ablyolimatasa fimlalisarel tut.
Sar vorbilas, »ekh farizano manglas les, te xal leste ande mizmereski vrama. Voj andre gelas leste, haj kaj e mesalya beshlas.
O farizano pale xolyajlas ande peste, ke dikhlas, ke angla xamo chi thodas vast.
Atunchi o Raj kodo phendas leske: „Tume farizana dore uzharen le taxtajeski haj le tejareski avralutnimata? Ba tumaro andralutnipe pherdo si choripesa haj nasulipesa.
Bi godyangire! Kon o avralutnipe kerdas, apolal na kodo kerdas vi o andralutnipe?
So ande tumende si, anda kodo den zhutimatipe, haj atunchi sakofalo uzho avla tumenge.
Ba jaj tumenge farizana! Ke deshimata den anda menta, anda ruta, haj anda sakone beshavjimata, ba chi bunun tumen le Devleske krisasa haj leske kamipesa. Kadalen trubujas te keren, ba chi kodolen ch«avlas slobodo ando khanchi te len.
Jaj tumenge, farizana! Ke kamen le anglune thana ande zhinagoga, haj kana anglalutnes dyes den tumenge pe vujica.
Jaj tumenge, ke kasave sanle, sar le bi somnosarde murmuntura, pe save opralutnes manusha phiren, kade, ki china chi zhanen pa lende.”
Pe kado mashkar le kris zhanara jekh kado phendas leske: „Maistro! Kado te phenes, atunchi vi amen marhis.”
Voj kado phendas leske: „Jaj vi tumenge, kris zhanara! Ke bi shaj inkerde pharimata shon pel manusha, tume pale chi jekhe najesa chi resen kaj o pharipe.
Jaj tumenge, ke serojimatange murmuntura vazden le profetange, tumare dada pale mudardine len.
Kadalesa apol, andre sikaven, ke jekh hatyaren tumare dadenca: ke kodal mudardine len, tume pale lenge murmuntura keren.
Anda kodo phendas vi le Devlesko platnikipe: Profetan haj aposhtolura bishalav lende, ba avna saven mudarena haj nashavna mashkarlende,
ke te shaj mangen palpale kathar kado popularo sakone profetasko rat, savo avrimukline zhikathar lumako anglalutnipe,
zhikathar le Abelesko rat zhikaj le Zakariashesko rat, kon mashkar o oltaro haj khangeri xasajlas. Amen, phenav tumenge: palpale mangena sa kadala kathar kado popularo.
Jaj tumenge, kris zhanara! Ke linetar le zhanimatake kilyi, tume chi zhan andre, haj kon andre zhalas vi kodales palpale inkren.”
Kana avri gelas kothar, le iskiritora haj le farizana zurales oprexolyajline, haj pa but sakofaloste line te pushen les.
Kodo zhukarenas, te shaj rakhen ande leske phenimata variso dosh.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly