capitolul 21
Pala kodo opredikhlas, haj samalas, ke le barvale sar shuden andre ande khangerako taxtaj pengo dinipe.
Dikhlas vi jekha chorra phivlya romnya, kon duj fillera shudas andre.
Atunchi kade das duma: „Amen, phenav tumenge: kadi chorri phivlyi majbut das sakonestar.
Ke kodal savorazhene anda butimata dine: voj pale anda pesko chorripe kothe das sakofalo, so sasla: sa anda soste shaj trajilas.”
Kana unyizhene phendine pa khangeri, ke soske shukarone barrenca haj dimatanca si opre shukardi, voj kade das duma:
„Avna apol dyesa, kana sa anda kadal, so kathe dikhen, ch«ashola barr po barr, so tele na pustinas.”
Pe kado pushline les: „Maistro! Kana pherdyona sa kadal andre, haj so avla angla lende o somno?”
Voj pale kade das palpale vorba: „Len sama, tena xoxaven tumen! Ke but zhene avna ande muro anav, haj kodo phenena: »Me som«, haj: »Reslas e vrama«: ba tume na zhan pala lende.
Kana pa marimata haj rebellimata ashunena, na darajven: kadalenge majanglal trubuj te pecisardyon: ba kado inke na o agor avla.
Pala kodo kado phendas lenge: „Popularo po popularo dela, haj them po them.
Mishkilape e phuv, pe bute thaneste murdimata, bokh, zhungale butya haj chereske somnura avna.
Haj sa angla kado, vast vazdena pe tumende haj rodena tumen. Perdal dena tumen le zhinagogange haj ande robilya shudena tumen. Angla kraja haj angla prefektura ingrena tumen anda muro anav.
Shajipe avla kado tumenge, ke chacharipe te keren.
Ramon mishto ande tumaro ilo: na gindisaren angle, ke sar te ferin tumen.
Ke kasavo muj haj platnikipe dav me tumen, saveske chi tumaro jekh dushmano chi zhangla na bake kaver te phenel.
Avri phenena tumen tumare dada haj deja, tumare phral, tumare nyamura haj vortakura, haj mashkar tumende si saves vi mudaravena.
Rucimaske avna angla sakoneste anda muro anav,
ba chi jekh bal chi xasajvela pa tumaro shero.
Zuralipesa ferina tumaro dyi.
Kana pale dikhena, ke ketani lena krujal le Jeruzhalemos, zhanen, ke avilastar lesko pustipe.
Atunchi kon ande Judea avna, te nashen ande plaja. Kon kothe beshen te mukhen pengo kher, kon pale pe gava avna tena zhan kothe.
Ke le bladomaske dyesaj kadala, ke andre te pherdyol sa kodo, so iskirime si.
Jaj le phare bake chuchi dene romnyange ande kodal dyesa! Ke baro kikidyipe avla pe phuv haj xolyi pe kado popularo.
Kathar xanre merenatar, haj ande robilya ingrenale kaj sakone populara, le Jaruzhalemos pale tele pustina le murtikana, zhikaj andre chi pherdyola le popularengi vrama.
Somnura avna ando kham, ando shonitiko haj ande cherhaja, haj pe phuv le manushengi bari dar kathar e marako baro glasipe haj xolyi.
Le manusha tinzosajvena kathar e dar, haj kathar kodalesko zhukaripe, so la lumake intregonimatasa pecisardyol, ke le chereske zora kolyonatar.
Atunchi dikhena le Manusheske Shaves, sar aveltar ande norora, saktimosa haj luvudyimatasa.
Kana pale sa kadal avenatar, cirden tumen avri haj vazden opre tumaro shero, ke pashe si tumaro muntusaripe.”
Vi parabolikanes vorbisardas lenge: Dikhen le gular kashtes haj le majbute kashten.
Kana avri puterdyon, zhanen, ke pashe si o milaj.
Kade vi tume, kana dikhen, ke sa kadal pecisajventar, zhanena avri, ke pashe si le Devlesko them.
Amen, phenav tumenge: chi nacholtar kado popularo, zhikaj sa kado chi pecisardyola andre.
Cheri haj phuv nachonatar, ba mure alava chi nachonatar.
Len sama apol pe tumende, tena pharosajvel tumaro ilo ando butajvipe, ando matyipe, haj mashkar le trajesko pharipe, haj kodo dyes tena del pe tumende bi zhukardines.
Ke sar o xutyildo, kade dela sa pe kodola, kon pe intregone phuv beshena.
Ratyaren apolal, haj ande sakone vramate rudyisaren, ke te muntusardyon sa kathar kodo, so andre pecisardyola, haj te shaj tordyon angla Manushesko Shavo.”
Dyese ande khangeri sityarelas, pe ratyate pale avrigelas pe kodo than, saves le uloj kashtenge plajeske anavarenas.
Ba aba sigo detehara kothe zhanas leste sa le intrega manusha ande khangeri, te ashunen les.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly