capitolul 16
So pale pe le suntonge kethane kidinisardine dimata kerdyilas, vi tume kade te keren, sar le Galacicka eklezhiange vladisardom.
Pe kurkesko angluno dyes savorazhene te shol rigate haj te kidel kethane, so les faj, ke na atunchi te pecilpe o kethanekidipe, kana kothe reso.
Kana apol kothe avo, kodalen, kas tume phenen, bishalo le lilesa, ke tumaro kamado kethane kidipe te ingren ando Jeruzhalemo.
Haj mishto te avla vi me te zhavtar, atunchi manca avena.
Tumende pale atunchi zhav, kana aba andre phirdom e Makedonia, ke pa Makedonia perdal zhav.
Dore vi kothe ashuvo tumende, bake vi o jivend kothe hodinisarav, ke vi tume te den man pasharimata, zhikaj zhotar me.
Ke chi kamav akanak numa kade perdal zhalindes te dikhav, ke sperantisarav, ke jekh vrama tumende ashuvav, o Raj te mukela.
Ando Efezush pale zhikaj e rusaja ashuvo.
Ke baro haj bulho vudar puterdyilas angla mande, ba but si vi le dushmana.
Kana kothe resel o Timoteush, aven pe kodo, ke bi darako te avel tumende, ke ande Rajeski butyi khinyarelpe, sar vi me.
Apol khonyik tena dikhel les tele, ba zhan lesa pachasa, te avel mande, ke zhukarav les le phralenca kethanes.
Le Apollo phrales pale manglom, ke te zhaltar tumende le phralenca kethanes, ba chi sar chi kamlas akanak te zhal: ba zhalatar, kana vrama avla les.
Len sama, haj aven zurale ando patyape, keren tumare butya murshikanes, haj aven zurale.
Sakofalo so keren ando kamipe te kerdyol.
Mangav tumen phralale: pinzharen le Stefanaseske khereske manushen, ke von si la Achajake slabura, haj pen po suntongo slugipe suntosardine:
vi tume muken tumen le kasavenge, haj sakoneske, kon lenca kethanes butyarelpe haj khinyarelpe.
Losshav le Stefanaseske, le Fortunatuseske, haj le Achaikuseske ke kathe si, ke kana dur san von si kathe anda tumende,
ke oprelosshardine vi muro dyi, haj vi tumaro. Inkren apol kasaven ande patyivate.
Drobovjisaren tumen la Azhiake eklezhiji. Butivar drobovjisaren tumen ando Raj o Akvila haj e Priscilla kodalenca kethanes, kon lenca si ando kher.
Drobovjisaren tumen le phral savorazhene. Drobovjisaren jekhavres suntone chumindesa.
Me o Pal, mure vastesa iskirisarav o drobovjipe.
Kon chi kamel le Rajes, te avel nashado! Marana tha!
Le Raj Jezusheski gracija te avel tumenca!
Muro kamipe savorazhenenca ando Jezush Kristo.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly