capitolul 8
Apol pa le fetishonge sarkafimasle masa zhanas, ke savorazhenen si amen pinzharipe. O pinzharipe phutyardeske kerel, o kamipe pale oprevazdel.
Kana varikon kade gindil, ke varisosko zhanipe sityilas, inke chi pinzhardas opre, ke sar trubuj opre te pinzharelles.
Ba kana varikon kamel le Devles, kodo aba kamel le Devles.
Apol pa fetishonge sarkafimasle masenge xape zhanas, ke naj fetisho pe luma, haj ke naj kaver Del, feri jekh.
Ke vi te si varisoske Devla: zhi ando cheri, zhi pe phuv, sar but del si haj but raj,
amen vi kade jekh Del si, o Dad, kastar sakofalo si, o Jezush Kristo, pa kaste perdal sakofalo si, haj pa kaste perdal vi ame sam.
Ba na sakones si pinzharipe; ke unyizhene vi akanak o mas kade xan, sar le fetishonge sarkafimos, haj lengo duhosko hatyaripe, ke slaboj, andre melardyol.
Ba o xamasko chi kerel amen maj skunposke angla o Del; tena xasales, chi resasa faltipe, haj te xasales, chi resasa butipe.
Ba len sama, ke tumaro slobodipe tena avel varisar pe slabongi xolyi.
Ke kana varikon kodales, kas pinzharipe siles, ande fetishoski khangeri dikhel kaj e mesalya, kodalesko duhikano hatyaripe, ke slaboj, oprexolyardyola anda fetishicko masesko xape.
Kade anda tyiro pinzharipe xasajveltar tyo slabo phral, anda kaste o Kristo mulas!
Ba kana pe tumare phral kade bezexaren, haj azban kade lengo slabo duhosko hatyaripe, vi le Kristoske bezexaren.
Anda kado kana o xamasko oprexolyarel mure phralen, barem chi xav majbut mas chikana, ke mure phralen opre tena xolyarav.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly