capitolul 11
Kana pashe resline kaj o Jeruzhalemo haj kaj e Betania, kaj le uloj kashtengo plaj angle bishaldas dujen anda peske sityarde.
Kodo phendas lenge: „Zhan andre ande kado than, so angla tumende si, haj sigo, kana andre resen, jekha magara dikhena savi phangli avla, pe savi inke manush chi beshlas. Skepinla avri, haj anenla kathe.
Haj kana varikon pushela tumen, sostar keren kado, phenen, ke le Rajes trubuj, atunchi mukenala kathe.”
Kodal gelinetar, rakhline la magara kaj o vudar phangles, avral kaj o bulho drom, haj avri puterdinela.
Kon kothe tordyonas unyizhene kodo phendine lenge: „Sostar phandentar kodala magara?”
Von kodo phendine, so o Jezush vladisardas lenge, pe kado mukline len.
La magara ingerdine kaj o Jezush. Pe late sharadine penge gada, voj pale pe late beshlas.
But zhene po drom pashjardine penge gada, kavera pale patra shingrenas pa kasht, haj po drom rispisarnas kodalen.
Kon angla leste zhanas haj kon pala leste, kade cipinas: „Hozhanna! Ashtyilimej, kon ande Rajesko anav avel!
Ashtyilimej amare dadesko, le Davidesko them, so aketa, aveltar! Hozhanna ando uchipe!”
Voj pale andre gelas ando Jeruzhalemo, ande khangeri. Sakofalo dikhlas, ba ke aba karing ratyi phirelas e vrama, avri gelas ande Betania le deshudujenca.
Kaverdyes, kana avri geline anda Betania, bokhajlas.
Dikhlas dural jekhe but patrengire gulareske kashtes. Karing leste gelas, hajkam rakhel pe leste variso. Ba kana kothe reslas, khanchi chi rakhlas pe leste, numa le patra; ande kodi vrama chi baronas inke le gulara.
Pe kado duma das, haj kodo phendas leske: „Khonyik tena xal pa tute maj but frukto!” Leske sityarde ashunde kado.
Pala kodo ando Jeruzhalemo resline. Andre geline ande khangeri, haj las avri te nashavel kodalen kon kinenas thaj paruvenas. Le financonge mesalyi haj le gulumbarenge iskamina sa opreboldas,
haj chi muklas, ke zhikon varisoske vasura perdal te ingrel pa khangerako placo.
Pala kodo kade sityarlas len: „Naj apol iskirime, ke muro kher la rudyimatako kher avla pe sakone popularengi rig? Tume pale le chorenge cevernake shutinela.”
Kana le angrashaja haj le iskiritora ashundine kado, pe kodo marnas pengi godyi, ke sar shaj xasarenas les. Daranas lestar, ke sa le but manusha bari dikhenas pe lesko sityaripe.
Kana andre ratyilas, avri gelas anda foro.
Kaver dyes detehara, kana nakhletar pasha gularesko kasht, dikhline, ke zhikathar e buchuma avrishutyilas.
O Peter palpale serosardas, haj kodo phendas leske: „Rabbi, dikh, o gularkasht, saves armaja dan, avrishutyilas.”
O Jezush kado phendas leske: „Patyan ando Del!”
Apol phenav tumenge: kana varikon kodo te phenla kadale plajeske: »Vazdadyu opre haj shudetu ande mara!«, haj naj bi patyape ande lesko ilo, ba patyal, ke kade avla, so phenel, atunchi kodo vi kade avla.
Anda kodo phenav tumenge: Sa kodo, so rudyipesa mangen, patyan, ke aba resline les, haj vi kade avla tumenge.
Ba kana opretordyona, te rudyin, jertin kodalenge, pe kaste xolyi xal tumen, ke vi tumaro Dad, kon ande rajura si, te jertil tumare bezexa.
Pala kado pale ando Jaruzhalemo geline. Kana ande khangeri gelas, kothe geline leste le angrashaja, le iskiritora haj le phure,
haj kodo phendine leske: „Soske saktimosa keres sa kadal? Kon das tuke o saktimo, kasave te keres?”
O Jezush kado phendas lenge pe kado: „Pushav vi me tumendar jekh traba. Den man vorba pe kodo, atunchi vi me pheno tumenge, ke soske saktimosa kerav sa kadal.
Le Janoshesko bolipo anda rajo sas bake kathar le manusha? Phenen mange!”
Kodal kade vorbinaspe mashkar jekhavreste: „Kodo te phenasa, ke anda rajo, kodo phenela: atunchi sostar chi patyanas leske?
Kana pale kodo te phenasa, ke: »kathar le manusha«?” Daranas kathar le manusha, ke sakon kodo gindisarlas pa Janosh, ke chachikanes profeta sas.
Kodo phendine apol le Jezusheske: „Chi zhanas.” O Jezush pe kado kodo phendas lenge: „Chi me chi phenav tumenge, ke soske saktimosa kerav sa kadal.”
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly