capitolul 10
Apol ke ande kris le avlimange vanoske numa lengo ushajinipe si andre, na le butyango chacho sipe, zhikodale sarkafimonca, so sako bersh andre sikaven, chikana nashtig keren federeske kodalen, kon andre sikaven len.
Dore chi muklinesaans ando dopash le sarkafimonge andre sikadyimata, kana le andre sikavara intregones uzhe kerdyilinesas, haj chi avelas len majdur bezexasle hatyarimata?
Ba zhikadal sarkafimura serosaren len ande sako bersh pe lenge bezexa.
Nashtipe si kodo, ke le bakrengo haj bikongo rat bezexa te koseltar.
Anda kado phendas, kana ande luma avilas:
„Sarkafimo haj tofnimata chi trubulas tut, ba trupo kerdan mange:
le phabarde haj pachardyimaske sarkafimura chi faj tut.
Atunchi kodo phendom: Aketa, avotar!
Ande hertijango kethane vuluipe tele si iskirisardo pamande,
ke kerolales, muro Del, tyiro kamipe.”
Anglunes kodo phenel: „le sarkafimura haj le tofnimata, le phabarde haj pachardyimaske sarkafimura chi trubunas tuke, chi faj tut”, so kathar e kris sikaven andre.
Pala kado kodo pendas:”Aketa, avotar, te kerav tyiro kamipe”. Nacharel le anglunes, ke ande lesko than le kaveres te tordyarel.
Kadale kamipesa suntosardine amen perdal pa Kristo Jezush truposko jekhtuno opresarkafimipe.
Ke sako rashaj sakodyes ando slugipe tordyol, haj butivar sikavel andre zhikodal sarkafimura, save chikana nashtig kosentar le bezexa;
voj pale jekh sarkafimo sikadas andre anda bezexa, haj sagutnes rajilpe pe Devleski chachi rig,
pe kodo zhukardines, ke leske dushmanon, leske punrenge iskamineske te shon.
Ke jekhe sarkafimosa sagutnes federenge shutas le suntosarden.
Chacharipe kerel pa kado amenge vi o Sunto Duho, ke pala soste kade das duma:
„Kado pale kodi konvencijaj, so phando lenca pala kodal dyesa – phenel o Raj –, ande lengo ilo dav mure krisa, haj ande lengi godyi iskirisarav kodal,
haj pe lenge bezexa haj nasulipe aba majdur chi seroja”.
Apol kaj kadal pale jertipe resen, naj majdur aba anda bezexipe kerdo sarkafimo.
Apol ke patyas ande kodo, phralale, ke perdal pa Jezushesko rat andre zhas po sunto than,
so amenge, sar nyevo haj trajindo drom pa firhango, apol pa pesko trupo perdal puterdas,
haj ke si amen angrashaj opralutnes pe Devlesko kher,
te pashardyuvas chache ilesa kaj le patyapesko intregonipe, te uzharas amaro ilo kathar le duhosko nasul hatyaripe, haj thovas tele amare tropos uzhe pajesa.
Inkras avri zurales pasha amare sperantimasko avriphenipe – ke chachoj kodo, kon le vorba dimata phendas –,
haj te las sama pe jekhavreste, ke po kamipe haj pe lashe kerdyimata te zurardyuvas,
tena mukas amare kethane avlimata, sar unyizhene sityiline, ba te zuraras jekhavres, inke majfedr sar dikhen le dyeses te pashardyol.
Ke kana zhanikanes bezexaras, pala soste reslam le chachimasko pinzharipe, naj aba majbut sarkafimo anda bezexa,
numa la bara krisako zhukaripe haj la jagako tatyipe, so phabarel le bi muklen.
Kana varikon le Mozesheke krisa tele dikhel, kodaleske pe duje bake trine chacharengi vorba trubuj te merel.
Sodenca majbut krisaripe phirel kodaleske, so gindin, kon tele dikhel le Devleske Shaves haj la konvencijako rat marhisarel, haj la gracijako Duho, pa soste perdal suntosardyilas, avriprassal?
Ke pinzharas kodales, kon kade das duma: ”Muroj o bladope, maj me potyino!” Haj pale: ”Ke o Raj krisaripe inkrel pe pesko popularo”.
Daramni butyij ande trajisarde Devlesko vast peripe!
Seron palpale pe dulmutane dyesa, kana, pala soste fimlalisajline, le dukhimasko capeno maripe tordyiline avri,
haj ande marhimata haj kikidyimata dikhlimaske hasninas tumen, haj kodalenca kasa zhikade kerenas, amal kerdyiline.
Ke rig sas tumen ande phanglengo dukhipe, haj vojikanes trajinas vi kodo perdal kana xapavenas tumaro barvalipe, ke zhanenas, ke majlasho haj majashilimasko barvalipe si tumen.
Na xasaren apol tumaro patyape, ke baro avla kodalesko potyinipe.
Pachako toleranshipe trubuj tumen, ke le Devlesko kamipe te keren, haj te resen e vorba dimata.
Ke inke jekh cerra vrama,
haj kodo, kon avlimaskoj, avela ande vramate.
Muro chachipe kathar o patyape trajila:
ba te darajvela, muro duho chi vojilape ande leste.
Ba ame chi sam le daramnimaske shavora po rumusardyipe, ba le patyapeske, pe trajosko reslipe.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly