capitolul 12
Anda kado vi ame, kas le chacharenge kasavo baro noro lel krujal, te shas tele sako pharipe haj la bezexa so pashardyol amende, avri inkrimasa te nashas zhikaj o agor o drom, so angla amende si.
Dikhas opre po patyape kerdari, po Jezush, kon so anglaleste sas lossh barem dukhardyipe alosardas po trushul, chi grizholaspe le maripesa: haj pe Devleski chachi rig krajilpe.
Gindin apol pe leste, kon kathar le bezexasle kasavo baro paradoksono dukhardas –, ke tena kolyontar, haj ande tumaro dyi tena brigajven.
Ande bezexako maripe inke chi phendine naipe zhikaj tumaro ratesko avrimuklipe chi resline,
haj bisterdine o ushorisaripe, so tumenge, sar shavenge vorbil:
„Muro shavo, na dikh tele le Rajesko sazdelipe,
haj na brigajve kana sazdel,
ke kas kamel o Raj, kodales sazdel,
haj chunyarel sakone shavores, kas peste lel”.
Anda disciplina dukhardyon. Sar peske shavenca grizhol o Del tumen, haj savo shavoj kodo kas lesko dad chi sazdel?
Avri te ashon anda sazdelipe, ande soste sakon rigako sas, atunchi bi chache faleskire haj na shave sanle!
Haj kana amare truposke dada sazdelisardine amen, haj darasas lendar, dore chi trubulas inke majfeder te mukas amen le duhoske Dadeske, te trajisaras?
Ke amare dada, pe cerra dyesa kathar lengo fajlipe sazdelisardine amen, voj pale anda kodo, so pe amaro zhutipe si, ke ande lesko suntosardyipe rigasle te avas.
O sazdelipe ando sipe apol chi dichol vojakireske, barem brigasleske. Ba majpalal, kon perdal pa leste zurardyon, o chachipe pesko pachimasko frukto upajila.
Anda kado apol putren avri tumare kole vast haj tumare izdramnimaske changa,
haj tumare punren sityaren po vorta phiripe, ke e paralizani rig tena boldelpe avri, ba te sastyol!
Pe pacha te aven sakonesa, haj ando suntosardyipe, ke bi kadalesko khonyik chi dikhela le Devles.
Len sama pe kodo, ke khonyik tena mukel le Devleski gracija, tena le kerkipesko opre barisardyipe bida te kerel, haj kade but zhene rigasle te kerdyon.
Khonyik tena avel marhisardo, haj tena dikhel tele chi le sunci butya, sar o Ezhau, kon andakh xaben, bikindas pesko angluno arakhadyipe.
Ke zhanen, ke vi pala kodo, kana kamlas te resel o ashtyilipe, haj mashkar le asva mangelas kodo, ba na phendine leske, ke chi arakhlas than le bunuimaske.
Ke tume, kaj nashtig unzuimasko plaj geline, kaj na phabilino jag haj balval, kaj tunyarikipe haj tufano,
kaj fanfrako haj vorbimango glaso. Kon kado ashundine, anda kodo rudyinas, ke tena vorbil lende o alav,
ke chi zhangline perdal te trajin kodo, so vladipe sas dino: „Kana vi varisavo bi zhanimasko pedo resel kaj kado plaj, shudenles barresa”:
haj vi o dikhlipe kasavo zhungalo sas, ke o Mozesh kade das duma:”Darajlom haj izdrav”.
Tume kaj le Shionesko palaj geline, haj kaj le zhuvinde Devlesko foro, kaj o rajuno Jeruzhalemo, kaj but miji andyelongo grupo,
kaj le anglunes arakhadyilengi eklezhia, kon opre si iskirime ando rajo, haj kaj sakonesko krisari, kaj o Del, kaj le intregones chachengo duho,
kaj le Nyeve Teshtamentosko perdal dinari, kaj o Jezush, haj kaj le shordyimasko rat, savo majaglasunes cipil, sar le Abelesko.
Len sama apol, na phenen na, kodaleske, kon vorbil! Ke kana kodal, kon chi kamen te ashunen kodales, kon pe phuv vorbil, chi muntosardyiline, haj inke majfeder ame, kana boldasa ame kathar kodo, kon anda rajo del duma amende!
Leski vorba atunchi mishkisardas la phuva, akank pale vorba del: „Inke jekhar mishkisarav na feri la phuva, ba vi le cheres”.
Kado „Inke jokhar” pe kodalesko kaverkerdyipe sikavel, so mishkisajvel, ke kerdyipej –, ke te ashol kodo, so bi mishkimaskoj.
Apol ke bi mishkimasko them reslam, las sama pe gracija, ke perdal pa late, sar le Devles faj, darasa haj patyivasa te slugisaras,
ke bari jag si amaro Del.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly