Lil le biboldenge

Capitole:

1 2 3 4 5 6 …   ⇤ ← 3 → ⇥

versetul 1

Anda kado apol, suntone phralale, le rajune butyake rigasle, dikhen pe amare patyapesko angrashaj, po Jezush,

versetul 2

kon chachoj kaj kodo, kon les bishaldas, sar ke kodo sas vi o Mozesh ande lesko intrego kher.

versetul 3

Ke kattyivar maj luvudyimaske inkerdine les kathar o Mozesh, sodenca maj bari patyiv si kodales ando kher, so voj kerdas.

versetul 4

Ke sakone kheres si kon oprevazdasles: kon pale o sagutnipe kerdas, kodo o Del si.

versetul 5

Ba sar o Mozesh chacho sas ande lesko intrego kher sar sluga, sar chachari sa kodaleske so trubulas te viacaren,

versetul 6

zhikaj kodo o Kristo, sar Shavo, opralutnes tordyol pe pesko kher. Kado kher ame sam, kana o patyape o luvudyipe haj o sperantipe sagda zurales inkrasa.

versetul 7

Anda kado – sar o Sunto Duho phenel:
„Adyes, kana ashunen leski vorba,

versetul 8

tena capenisaren tumaro ilo,
sar ando kerkaripe, pe zumavjipesko dyes ande pusta,

versetul 9

kaj tumare dada zumadine man ande zumavjimata,
vi atunchi kana dikhline mure kerdyimata

versetul 10

zhi tala shtarvardesh bersh!
Xolyajlom anda kado pe kodo generaciovo
haj kade dem duma:
Sagda numa shiladyon ande pengo ilo!
Ba von chi pinzhardine opre mure droma.

versetul 11

Sar vi colaxardom ande muri xolyi:
Chi zhan andre ande muri pacha!

versetul 12

Len sama, phralale, tena avel mashkar tumende po bi patyape bandyilino ilo, tena shindyoltar kathar o trajisardo Del!

versetul 13

Barem zuraren jekhavres sako dyes, zhikaj kodo chi phenen:”adyes”, tena capenisarel vi varikas mashkar tumende la bezexako xoxamnipe.

versetul 14

Ke le Kristoske rigasle kerdyilam, ba feri atunchi, kana pe kodo fundo, so voj kerdas sagda zurales avri inkras,

versetul 15

zhikaj kodo chi phenen:
„Adyes, kana ashunen leski vorba,
tena capenisaren tumaro ilo,
sar ande kodo kerkaripe!”

versetul 16

Ke unyizhene, kana kado ashundine, kerkardine le Devles: ba na savorazhene, kon tala Mozesh anda Edyiptomo avriaviline.

versetul 17

Pe kaste xolyajvelas shtarvardesh bersh? Na pe kodal kon bezexardine, haj kaske mulikane trupura pustisajlas ande pusta?

versetul 18

Kaske colaxardas, ke chi zhana andre ande leski pacha, kana na kodalenge, kon bi patyamne sas?

versetul 19

Haj vi dikhlam, ke china nashtig geline andre anda lengo bi patyamnipe.

Capitole:

1 2 3 4 5 6 7 8 9 10 11 12 13