capitolul 7
Ke kado le Melkizedenge, le Salemosko kraj, le rajune Devlesko rashaj, kon angla Abraham gelas, kana kodo palpale avilas pala soste tele mardas le krajen, ashtyilisardas les.
O Abraham deshtope dasles anda sakofaloste. Lesko anav majanglal kodo phenel, ke le chachimasko kraj, pala kodo le Salemosko kraj, apolal le pachimasko kraj;
bi dadesko, bi dejako, bi faloske skundosko sikadyilas; ke chi leske dyeseske anglimata, chi leske trajesko agor naj, kasavo kerdyilas sar le Devlesko Shavo, haj rashaj ashola sagutnes.
Dikhen apol, sosko baro si kodo, kaske anda marimasko barvalipe o Abraham patriarka vi deshtope das!
Kodalenge, kon mashkar le Leveske shave resen o rashajipe, vladipe sile pe kodo, ke sar e kris phenel deshtope te kiden kathar le manusha, kathar penge phrala, vi atunchi kana vi kodal anda Abrahamosko trupo sas;
ba kodo pale, kasko falipe china na lestar ginaven, deshtope kidas kathar o Abraham, haj ashtyilisardas kodales, kaske le vorba dimata sas.
Apol pale naj pushlipe, ke o majbaro ashtyilisarel le cines.
Kathe zhuvinde manusha kiden deshtope, ba kothe kodo, pa kaste o chacharipe vorbil, ke trajil.
Vi kade shaj phenen, ke perdal pa Abraham vi o Levi, kon andre kidel o deshtope, andre potyindas o deshtope;
ke inke ande peske dadesko trupo sas, kana o Melekized avrigelas angla leste.
Kana apol o intregonipe le levitango rashajipe te somnosardosas – ke le manusha lestar las e kris –, atunchi sostar trubusardino, ke kathar o Melekized kaver rashaj te kerdyol, kon na kathar le Aronesko falo si?
Ke kaver te kerdyol o rashajipe, atunchi vi la krisake kaver trubuj te kerdyol.
Ke pa kaste kado phendine, anda kaver kunpania si, anda savo khonyik chi slugisardas kaj o oltaro.
Ke kodo pinzhardo si, ke amaro Raj anda Judea sas, haj pa kadi kunpania haj rashaja khanchi chi phendas o Mozesh.
Kado inke majfeder uzho si, ke sar le Melkizeda kaver rashaj kerdyol,
kon na kathar le truposko vladipe kerdyilas kodaleske, ba kathar le sagutne trajoski kris.
Ke kade vorbil o chacharipe:
„Tu rashaj san sagutnes kathar le Melkizedengo falo”.
Kana jekha krisa kosen, kodo anda kodo si, ke bi zorako haj nasul si.
E kris china chi ingrel khanyikas po federipe, numa drom sas kaj majlasho sperantipe, pe savo perdal kaj o Del pashardyuvas.
Haj kana kado na bi colax pecisajlas – ba kavera bi colaxa kerdyiline rashaja,
ba kado kathar kodaleski colax, kon kade das duma leste:
„Colaxardas o Raj haj chi bunusardasles:
Tu rashaj san sagutnes” –,
ande kattyeste majlashe konvencijake kerdyilas chachari o Jezush.
Haj zhikaj kodal majbut zhene kerdyiline rashaja, ke anda meripe nashtig ashiline,
leske, ke sagutnes ashol, lesko sagutno rashajipe.
Kade sagutnes shaj muntul kodalen, kon perdal pa leste kaj o Del pashardyon, ke sagda trajil, ke anda amende te butyarel.
Ke pelaspe, kasavo angrashaj te avel amen: sunto, bi doshako, uzho, kathar le bezexarde alosardo, haj majrajuno kathar le chera;
kaske chi trubuj, ke sar le rashaja, sako dyes anglalutnes, anda peske bezexa te sikavel andre sarkafimo, pala kodo anda popularonge bezexa, ke voj kado jekhtunes haj agorutnes kerdas aba, kana pes opresarkafimosardas.
Ke e kris nasul manushen vazdel rashajeske; la colaxaki vorba pale, so pala e kris avilas, le sagutnes feder Shaves.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly