capitolul 11
O Patyape pale fundoj kodaleske, so sperantisaras, haj andre sikadyipe si kodaleske, so chi dikhas.
Le dulmutane pa kado shutine chacharipe.
Kathar o patyape pinzhardam, ke la luma le Devlesko alav kerdas, haj anda na dikhlimaske butya kerdyilas sa kodo, so dikhlimaskoj.
Ke patyalas, anda kodo sikadas andre o Abel majrajkano sarkafimo, sar o Kain, kade chacharipe reslas pa kodo, ke chachoj, ke o Del chacharipe kerdas pasha leske tofnimata: haj perdal pa lesko patyape inke vi pala lesko meripe vorbil.
Ke patyalas, anda kodo lavadyilastar o Henok, ke meripe tena dikhel: chi arakhline les, ke o Del las les. Ke angla lesko lavadyipe chacharipe las, ke le Devleske fajlimasko sas.
Haj bi patyapesko nashtipe si pe fajlimaste te aven le Devleske, ke kon kaj o Del zhal, kodaleske trubuj te patyal, ke voj si, haj vojisarela kodalen, kon les roden.
Ke patyalas, anda kodo kerdas devlikane daramnipesa bero o Noe te muntul peski familia, pala soste avrisikadyipe las pa inke na dikhlimaske butya,: haj kathar pesko patyape krisardas la luma, haj le chachimasko rigako kerdyilas, so anda patyape anglalardyol.
Ke patyalas, anda kodo muklaspe kodo, kas Abrahameske akharen, ke te zhaltar pe kodo than, so anda muklimaste trubusardas te lel. Gelastar, ba chi zhanelas kaj zhal.
Ke patyalas, anda kodo ashilas pe paratnimataski phuv, sar pe streno phuv, ande cerhi beshlines le Izhakesa haj le Jakobesa, le paratnimaske amal arandimarenca;
ke zhukarenas le foros, savo po zuralo fundo tordyol, saves o del kerel haj vazdel opre.
Ke patyalas, anda kodo las zor vi e bi sumburaki Shara phari te kerdyol, inke vi kade ke phuri sas, ke chacheske inkrelas kodales, kon e vorba das.
Anda kado falosardine kathar jekh manush – apol kathar jekh zor xasardimaskirestar – kasave but zhene, sar le chereske cherhaja, haj sar le bi shaj ginavjimasko kishaj, so pe maraki dolma si.
Von savorazhene ando patyape muline, bi kodalesko, ke reslinesas le paratnimatan. Numa dural dikhenas haj patyivinas kodalen, haj avriphendine, ke dromara haj avlimara si pe phuv.
Ke kon kade vorbin, kodol somnosaren, ke them roden.
Kana zhi pe kodo gindisardinesas, anda soste avriaviline, inke avilosas len vrama palpale te zhan,
ba von po majlasho dorosarenpe, karing o rajo. Anda kado o Del chi lazhal len, kana les penge Devleske akaren, ke foro kerdas lenge.
Ke patyalas, anda kodo sarkafimosardas opre o Abraham le Izhakos, kana avri zumadyilas: opresarkafimosardas peske jekhar-arakhadyilines, kon le vorba dimatan las,
kana kodo phendine leske: „Le Izhakeske shavoren akharena tye faloske”.
Ke patyalas ande kodo, ke le Devles siles saktimo vi anda meripe opre te trajarel: anda kado peske shaves – sar anglipes – vi palpale las.
Ke patyalas ande avlimaske butya, anda kodo ashtyilisardas vi o Izhak le Jakobos haj le Ezhaues.
Ke patyalas, anda kodo ashtyilisardas o Jakob, kon po meripe sas peske solduje shaven, haj rudyindes burdosardyilas opre pe peski rolyako agor.
Ke patyalas, anda kodo serosardyilas o Jozhef, kon po meripe sas pa Izraeleske shavengo avrizhalipe, haj vladisardas pa peske kokala.
Ke patyanas, anda kodo garavelas lesko dad haj dej le Mozheshes trin shon, kana dikhline, ke shukar si o shavoro, haj chi daranas kathar le krajesko vladipe.
Ke patyalas, anda kodo asvikardas o Mozesh kana oprebarilas, ke voj le faraovoske shejako shavo si.
Barem kodo alosardas, ke dukhardyipe te resel le Devleske popularenca, sar le bezeximaski cerra vramaki mishto hatyaripe te resel.
Kathar le edyiptomickange avuciji majbare barvalimaske inkrelas le Kristosko dukhardyipes, ke po potyinipe dikhelas.
Ke patyalas, anda kodo gelastar anda Edyiptomo, haj chi daralas kathar e karajeski xolyi: sar te dikhlino le Bi dikhlines; zuralo ashilas.
Ke patyalas, anda kodo patyivilas la patradya haj le ratesa kerdino shordyipe, ke tena resel lende kodo, kon le anglune arakhadyilsarden mudardas.
Ke patyanas, anda kodo geline perdal pe Loli-mara sar pe shuki phuv: kana kado vi le edyiptoicka kamline te keren, nakhadas len.
Ke le manusha patyanas, anda kodo rumusardyiline tele le Jerikovoske zidura, pala soste efta dyes krujal phirdine kodo.
Ke patyalas, anda kodo chi xasardyilas le bi patyamnenca e Rahab, kon pachasa andre xutyildas le garaden.
Haj kas te pomonisarav inke? Avri zhos anda vramate, te vorbsaros pa Gedeon, pa Barak, pa Shamshon, Jafet, David, Shamuel haj pa profeti,
kon, ke patyanas, tele mardine themen, chachimata kerenas, vorba dimatan resline, levongo mujen pizdine andre,
tele mudardine la jagaki zor, ferisajline kathar xanresko shinipe, opre sastyiline anda nasvalimata, anglalutne sas ando maripe, nashadine le strenon;
kade line palpale le romnya pala opretrajisardyipe penge mulen. Sas kas pe dukhimasko kasht cirdine, ba chi kade chi trubulas lenge o slobodipe, ke majlasho opretrajisardyipe te resen,
kaveren avri prassanas haj ande robija shudenas, haj vi sastra haj maripe dukharenas;
barrenca shudenas len, mashkaral shinenas len, xanrenca mudarenas len, ande bakrenge haj busnyange morcha garadyonastar, kikidyipe dukarindes ando baro chorripe.
Pe kaste nas dosta e luma, ande kishajicka phuva phirenas nakhenas, mashkar plaja, ande caverni haj vi ande phuvake gropi.
Haj sa kadalen, kas lengo patyape chachardas, chi resline e vorba dimata,
ke pe lengi rig o Del majlasho variso vladisardas, haj von bi amaro nashtig resline po federipe.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly