capitolul 15
Me som e chachi drakhuni buchuma, muro Dad pale o drakhari.
Sakone drakhuni kranzha, save chi anen pe mande frukto, tele shinel, haj sakone upajines uzharel, ke majbut te upajil.
Tume aba uzhe san kathar o alav, so aba phendom tumenge.
Ashon ande mande haj me ande tumende. Ke sar e drakhuni kranzha chi zhanel frukto te kerel pestar, tena ashol pe drakhuni buchuma, kade chi tume, tena ashon ande mande.
Me som e drakhuni buchuma tume pale e drakhuni kranzhi. Kon ande mande ashol haj me ande leste, kodo but upaj kerel, ke bi muro khanchi nashtig keren.
Kana varikon chi ashol ande mande kodales avrishuden, sar le drakune kranzhen, haj shutyolatar: kethane kidenlen, pe jag shudenlen haj phabonatar.
Kana ande mande ashona haj mure alava ande tumende ashona, mangen, so kamen, haj lenales.
Pa kodo perdal luvudyilpe muro Dad, ke sode frukto keren, haj mure sityarde kerdyon.
Sar man kamel o Dad, kade kamos vi me tumen. Ashon ande muro kamipe.
Mure vladimata, te inkrena, atunchi ashona ande muro kamipe, sar vi me inkerdom mure Dadeske vladimata, haj ashuvav ande lesko kamipe.
Anda kodo phendom kadal tumenge, ke muri lossh ande tumende te avel, haj tumari lossh intrego te avel.
Muro vladipe kodoj, ke te kamen jekhavres, sar me kamav tumen.
Majbaro kamipe khanyikas naj kathar kodo, sar kana varikon pesko trajo del anda peske vortakura.
Tume mure vortakura san, te kerena kodo, so vladisardom tumenge.
Aba chi phenav tumen slugange, ke o sluga chi zhanel, ke so kerel lesko raj. Mure vortakonge phenav tumen, ke sakofalo, so ashundom kathar muro Dad, avrizhanardom tumenge.
Na tume alosardine man, ba me alosardom tumen. Pe kodo manglom tumen, te zhantar, frukto te upajin, haj tumaro frukto te ashol, haj zhiso mangen ande muro anav kathar o Dad, delales tumenge.
Kodo vladisarav tumenge: kamen jekhavres!
Kana e luma rucil tumen, zhanen avri, ke man maj anglal rucilas tumendar.
Kana anda luma avenas, e luma kamelas kodo, so lakoj. Ke chi sanle anda luma, ke avrialosardom tumen anda luma, anda kodo rucil tumen e luma.
Seron pe vorba, so phendom tumenge: Naj majbaro e sluga kathar pesko raj. Man te nashavenas, vi tumen nashavena: mure vorbi te inkerdine, vi tumare inkrena.
Ba sa kadal anda muro anav kerena tumenca, ke chi pinzharen kodales, kon bishaldas man.
Ba tena avilomas, haj tena vorbisardomas lenge, chi avlas len bezex, ba akanak naj len muntuipe pe lenge bezexa.
Kon man rucil, vi mure dades rucil.
Tena kerdomas mashkar lende kasave trabi, so khonyik kaver chi kerdas, chi avla len bezexa. Ba akanak dikhline, haj vi kade rucin vi man, vi mure Dades.
Andre trubusardas te pherdyol le phenipeske, so tele si iskirime ande amari kris: »Bi doshako rucin man«.
Kana pale avelatar o Ushori, kas bishalo tumenge kathar o Dad, le chachimasko Duhos, kon kathar o Dad si, voj maj chacharipe kerla pa mande:
ba vi tume chacharipe kerena, ke kathar o anglalipe manca sanle.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly