capitolul 3
Ande kodal dyesa sikadyilas o Bolari Janosh, haj viacarelas ande Judeaki pusta:
„Bolden tume karing o Del, ke pashardyilas le rajosko them.”
Voj si, pa kaste o Izajash profeta vorbil:
„Ande pusta cipisardeski vorba:
»Lasharen le Rajesko drom, keren vorta lesko drom«”.
Le Janosheske anda dromedareski postila sas leske gada, haj morchuno brichinari pe lesko mashkar, lesko xamasko pale shashka sas haj veshesko adyvin.
Atunchi avri gelas leste o Jeruzhalem, e intrego Judea haj le Jordaneske intrega gava.
Boldas len ando Jordanesko ab, haj avri phende penge bezexa.
Kana pale dikhlas, ke mashkar le farizana haj mashkar le Sadduceusha but zhene aven, opre te len o bolipe, kado phendas lenge: „Viperange falura! Kon sityardas tumen te nashentar angla avlimaski xolyi?
Upajin apol karing o Del boldipesko chacho frukto.
Haj na gindisaren, ke kodo shaj phenen ande tumende: »O Abraham si amaro dad«. Ke phenav tumenge, ke vi anda kadal barr zhanel o Del le Abrahamoske shavoren te kerel.
O tover aba pe kashtengi rikita si. Ke sakone kashtes, savo chi upajil lasho frukto, avri shinen, haj pe jag shuden.
Me pajesa bolav tumen, te boldentume karing o Del, ba kon pala mande avel, maj zuraloj mandar; chi leske sandala chi som dosta te phiravav. Voj Sunto Duhosa haj jagasa bolela tumen.
Leski rispisardi lapata aba ande lesko vast si, haj uzharela peski mal; kethane kidela peske dyiva ando sino, e plevija pale bi mudarda jagasa phabarela.”
Atunchi o Jezush avilastar anda Galilea pasha o Jordano kaj o Janosh, ke kodo te bolel les.
Ba o Janosh palpale kamlas te inkrel les: „Mange trubujas te bolardyuvav tutar, haj tu aves mande?”
Ba o Jezush kado phendas leske palpale: „Muk akanak kado, ke kade perelpe te keras sako chacharipe.” Atunchi muklaspe leske.
Pala soste o Jezush bolardyilas, sigo opre avilas anda paji, haj aketa, o cheri puterdyilas leske, haj dikhlas le Devlesko Duho, sar gulumbos tele te muklyolpe haj pe leste huraldas.
Haj aketa, jekh glaso ashundyilas anda cheri: „Kadoj muro kamado shavo, ande kaste pherdyol muri voja”.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly