capitolul 20
Ke cirdel le rajosko them pe kodo kheresko raj, kon sigo detehara avri gelas butyaren te xutyilel ande peski drakhuni bar.
Pala soste ande jekh denara pekh dyes foro kerdas le butyarenca, bishaldas len ande peski drakhuni bar.
Kana vi kaj le trin chasura avri gelas, dikhlas vi kaveren kothe te tordyon bi butyako pe forosko placco.
Kodo phendas lenge: »Zhan avri vi tume ande drakhuni bar, haj so perelpe, do me maj tumenge.«
Kodal gelinetar. Pala kodo vi kaj le shov chasura haj vi kaj ijja chasura avri gelas, haj zhikade kerdas.
Kana kaj le deshujekh chasura avri gelas haj pale rakhlas kothe tordyardiren, kodo phendas lenge: »Sostar tordyon kathe sorro dyes bi butyako?«
Kodo phendine leske: »Ke khonyik chi las opre amen.« Pe kado kodo phendas lenge: »Zhan avri vi tume ande drakhuni bar.«
Kana andre ratyilas le drakhengo raj kade das duma kaj pesko lashari: »Akhar le butyaren, haj de avri lenge lengo potyinipe, kerdo kathar le palune zhikaj le anglune.«
Aviline kodal, kon kaj le deshujekh chasura line opre e butyi, haj line jekh denaro.
Kana le anglune aviline te len o potyinipe, kodo gindisardine, ke majbut lena, ba vi von numa jekh-jekh denaro line.
Kana vi line le love, line nasul shiba te phenen po raj:
«Kadal palune numa jekh chaso kerdine butyi, haj ande jekh lan len amenca, kon pale sa dukhardam le dyesesko pharipe haj tatyipe.«
Ba voj kado phendas le jekheske mashkar lende: »Muro vortakona! Chi som tute bi chacho: »Haj na ande jekh denaro kerdan manca foro?
Xutyil, so tyiro si, haj zha! Me vi kadale paluneske kattyi kamav te dav, sar tuke.
Haj nashtig kerav kodo muresa, so me kamav? Dore nasule jakhenca dikhes kodo, ke me lasho som?
Kade avna anda palune anglune haj anda anglune palune.”
O Jezush pala kado opre gelas ando Jeruzhalemo. Po drom peste akhardas le deshuduje sityarden, haj kodo phendas lenge:
«Aketa, opre zhas ando Jeruzhalemo, haj le Manusheske Shaves perdal dena le angrashajenge haj le iskiritorenge. Po meripe krisarena les,
haj perdal dena les le murtikanonge, ke avri te prassan les, te chunyaren les haj po trushul te cirden les, ba po trito dyes opretrajisarla.”
Atunchi le Zebedeusheske shavengi dej kothe gelas leste peske shavenca kethanes, haj tele burdosajlas angla leste, te mangel lestar variso.
O Jezush pushlas latar: „So manges mandar?” Kodi kade das palpale duma: „Vladisar kodo, ke mashkar mure duj shave o jekh pe tyo chacho o kaver pale pe tyo stungo rig te beshel ande tyo them.”
O Jezush kado phendas palpale: „Chi zhanen, so mangen. Zhanen dore, te pen anda taxtaj, anda soste me po?” Kodo phendine leske: „Zhanasa!”
Voj pe kado kodo phendas lenge: „Apol anda muro taxtaj pena, ba na muri butyi si te alosarav, ke pe muri chachi rig bake po stungo kon te beshel. Kodo kodalengo avla, kaske muro Dad kerdasles.”
Kana le majbut desh ashundine kado, zurales xolyajline pe duj phral.
Ba o Jezush peste akhardas len, haj kade das duma: „Zhanen ke le generaciovonge raja krajinpe pel manusha, haj zurales bararenpe pe lende.
Ba mashkar tumende na kade te avel, barem kon mashkar tumende baro kamel te avel,
te avel tumari sluga.
Ke chi le Manushesko Shavo na anda kodo avilas, ke leske te slugisaren, barem voj te slugij, haj pesko trajo te del anda butende parudines.”
Kana avri geline anda Jerikovo, bari butimata zhalas pala leste.
Haj aketa, kothe beshelas pe dromeski rig duj korre. Kana ashundine, ke o Jezush karing lende zhal, oprecipisardine: „Zhutisar pe amende, Raja, Davidesko Shavo!”
E butimata pe lende vladisardas tena cipin, ba von inke majfeder cipinas: „Zhutisar pe amende, Raja, Davidesko Shavo!”
O Jezush tordyilas, kothe akhardas len, haj kade das duma: „So kamen te kerav tumenca?”
Kodal kodo phendine leske: „Raja! Te puterdyon amare jakha.”
Le Jezusheske sunusardyilas pe lende lesko ilo haj kaj lenge jakha reslas. Ande kodo minuto line te dikhen, haj zhanas pala leste.
Software-ul își propune să conecteze pe toți cu textul Bibliei printr-o interfață rapid accesibilă și personalizabilă.
Numele face referire atât la conectivitate, cât și la viteză…
„Fiecare om să fie grabnic la ascultare, încet la vorbire și încet la mânie!”
Cu dragoste, Tom Károly